Qaýly jobasy Ashyq NQA portalynda jarıalandy.
"Qazaqstan men Reseı úkimeti arasyndaǵy Kókshetaý, Semeı jáne Óskemen qalalarynda kómirmen jumys isteıtin jylý elektr stansıalaryn salý jobalary týraly kelisimge qol qoıý týraly" qaýly jobasy shyqty, dep habarlaıdy Almaty-akshamy.kz
Kelisim taraptardyń yntymaqtastyq sharttaryn Qazaqstan Respýblıkasynyń aýmaǵynda Kókshetaý, Semeı jáne Óskemen qalalarynda kómir jylý elektr ortalyqtaryn salý jobalaryn iske asyrý boıynsha, jobalaý, daıyndaý boıynsha jumystardy oryndaýdy qosa alǵanda jobalardyń árqaısysy úshin talap etiletin jáne kelisilgen kólemde, sondaı-aq jeńildikti qarjylandyrýdy nemese memlekettik eksporttyq kredıtti uıymdastyrý boıynsha barlyq talap etiletin jobalarmen júıelermen, ǵımarattarmen jáne qurylystarmen jańa elektr stansıalaryn salý jáne paıdalanýǵa berý boıynsha aıqyndaıdy.
Jobalardy iske asyrýǵa jaýapty uıymdar:
Qazaqstan tarapynan - Tapsyrys berýshiniń fýnksıalaryn júzege asyratyn "Samuryq-Energo" aksıonerlik qoǵamy;
Reseı tarapynan - Bas merdigerdiń fýnksıal aryn júzege asyratyn "Inter RAO" kompanıalar tobyna kiretin jáne óziniń qosalqy merdigerleri retinde tıisti uıymdardy tartýǵa quqylyosy Kelisim sheńberinde yntymaqtastyqty júzege asyrý úshin jaýapkershiligi shekteýli seriktestik "Inter RAO - Eksport".
Jobalar mynadaı kezeńderde iske asyrylady:
№ 1 kezeń – elektr stansıalaryn keıinnen qatty otynnan tabıǵı gazǵa aýystyrý múmkindigin eskere otyryp, jobalardyń árqaısysy boıynsha qajetti saraptamalar júrgize otyryp, jobalaý qujattamasyn ázirleý;
№ 2 kezeń – jumys qujattamasyn ázirleý, jabdyqtar men materıaldardy jetkizýdi júzege asyrý, qurylys-montajdaý jáne iske qosý-baptaý jumystaryn oryndaý, osy Kelisimge qol qoıylǵan kúni Reseı Federasıasynyń aýmaǵynda qoldanystaǵy normalardyń talaptaryna sáıkes qazandyq qondyrǵylarynyń ekologıalyq kórsetkishterin qamtamasyz ete otyryp, generasıalaıtyn jabdyqqa qatysty qyzmetter kórsetý;
№ 3 kezeń – jumys qujattamasyn ázirleý, jabdyqtar men materıaldardy jetkizýdi júzege asyrý, qurylys-montajdaý jáne iske qosý-baptaý jumystaryn oryndaý, Qazaqstan Respýblıkasynyń aýmaǵynda qoldanystaǵy normalardyń talaptaryna sáıkes elektr stansıalarynyń ekologıalyq kórsetkishterin qamtamasyz ete otyryp, gaz tazartý júıesine qatysty qyzmetter kórsetý, olardy qazaqstandyq tarap jobalarǵa qatysty merzimderde aıqyndaıtyn jáne usynatyn bolady.
Jańa elektr stansıalaryn iske qosqannan keıin tapsyrys berýshi elektr stansıalaryn paıdalanýdy jáne olardy paıdalaný jáne tehnıkalyq qyzmet kórsetý jónindegi nusqaýlyqqa sáıkes tehnıkalyq qyzmet kórsetýdi iske asyrady.
Kelisim energetıkalyq qaýipsizdikti saqtaýǵa jáne el ekonomıkasy men halqyn senimdi elektrmen jabdyqtaýǵa baǵyttalǵan.