Áskerıler revaksına qabyldaýda
Qazaqstanda armıanyń 13 myńǵa jýyq áskerı qyzmetshisi men azamattyq personalyna qaıtadan koronavırýs ekpesi salyndy, dep habarlaıdy Almaty-akshamy.kz Qorǵanys mınıstrliginiń baspasóz qyzmetine silteme jasap.
Medısınalyq turǵyda qarsy kórsetilimi bar adamdarǵa ǵana vaksına egilmeıdi.
«Qorǵanys mınıstrliginiń áskerı emhanalary jáne tirkelgen jerindegi azamattyq emdeý mekemeleri, sondaı-aq áskerı jáne azamattyq emdeý mekemeleriniń kóshpeli egý brıgadalary belsendiligi joıylǵan vaksına arqyly revaksınasıa júrgizedi», - dedi Bas áskerı-medısınalyq basqarmasynyń bastyǵy, medısına qyzmetiniń polkovnıgi Tımýr Oshaqbaev.
Qazaqstannyń bas sanıtar dárigeriniń revaksınasıa júrgizý týraly qaýlysyna sáıkes COVID-19 qarsy ekpeniń tolyq kýrsynan keıin alty aı ótkende qaıta ekpe salý qajet.
Bas áskerı-medısınalyq basqarmasy el Qarýly Kúshterindegi koronavırýs ınfeksıasy boıynsha epıdemıologıalyq ahýal ujymdyq ımýnıtettiń qalyptasýynyń arqasynda turaqty ekenin atap ótti.