4 balany órtengen úıden alyp shyqqan oqýshy kólikti boldy
«SaryarqaAvtoProm» JSHS alańynda «Allur» kompanıalar toby Memleket basshysynyń úndeýin qoldaı otyryp, Oleg Pırogqa otandyq Chevrolet Nexia avtokóliginiń kiltin tabystady, dep habarlaıdy Almaty-akshamy.kz baq.kz silteme jasap.
Óz kezegimde men Olegke el Prezıdenti Qasym-Jomart Kemeluly Toqaevtyń Alǵys hatyn tabystadym. Sondaı-aq Oleg Qazaqstan Respýblıkasy Tótenshe jaǵdaılar mınıstrliginiń «Órtte kórsetken qaısarlyǵy úshin» medalimen marapattaldy, al Olegtiń anasy Valentına Pırog QR TJM Alǵys hatymen marapattaldy, - dedi oblys basshysy.
El Prezıdenti oqýshyǵa erligi men batyldyǵy úshin alǵys aıtty.
"Osyndaı jas kezińde sen naǵyz erlik jasadyń, qaıǵyǵa batqan balalarǵa batyldyqpen jáne oılanbastan kómekke keldiń, úlken qasirettiń aldyn aldyń", - dep jazǵan Memleket basshysy Qasym-Jomart Toqaev.
- Olegtiń ata-anasyna balalardy laıyqty tárbıelegeni úshin taǵy da alǵys aıtamyn. Olegtiń áreketi balalar úshin ǵana emes, eresekter úshin de úlgi. Sonymen qatar Memleket basshysynyń bastamasyn qoldaǵany úshin dırektorlar keńesiniń tóraǵasy Andreı Lavrentevke «Allur» kompanıasyna alǵysymdy bildirgim keledi. Sondaı-aq, keshe órt saldarynan baspanasynan aıyrylǵan Ómirzaqovtar otbasyna Qostanaı qalasyndaǵy 3 bólmeli páterdiń kiltin tabystadym, - dedi ol.