Nursultan Nazarbaev "Spýtnık-V" vaksınasyn aldy
Qazaqstannyń Tuńǵysh Prezıdenti Nursultan Nazarbaev Qaraǵandy farmasevtıkalyq zaýytynda óndirilgen «Spýtnık V» vaksınasynyń birinshi komponentin aldy, dep habarlaıdy Almaty-akshamy.kz Almaty.tv-nyń Elbasynyń saıtynda jarıalaǵan habaryna silteme jasaı otyryp.
Vaksına alǵan soń N.Nazarbaev qazaqstandyqtardy sanıtarlyq-epıdemıologıalyq qaýipsizdik sharalaryn saqtaýǵa jáne belsendi túrde ekpe jasatýǵa shaqyrdy.
«Qazirgi ýaqytta Qazaqstanda úsh mıllıonǵa jýyq adam vaksınalandy. Barlyq qazaqstandyqtardy vaksınalaýdy belsendi jalǵastyrýǵa jáne odan qoryqpaýǵa shaqyramyn. Vırýstyń jańa shtamdarynyń paıda bolýyna baılanysty vaksınany qazir alý óte mańyzdy. Muny óz densaýlyǵyńyz úshin jasaýyńyz kerek. Biz qıyn ýaqytta ómir súrip jatyrmyz. Biz osynyń bárin birge bastan ótkerýimiz kerek. Barshańyzǵa densaýlyq pen ıgilik tileımin», - dedi Qazaqstannyń Tuńǵysh Prezıdenti.