Elbasy Nursultan Ábishuly Nazarbaev jarıa etken «Táýelsizdik taǵylymy» maqalasy elimiz úshin máńgilik eldiń bolashaǵynyń baǵytyn anyqtaıtyn jáne bizdiń ustanymyz bolatyny sózsiz.
Elbasy óz sózinde «Osylaısha biz Táýelsizdigimizdi baıandy etip, el tutastyǵyn saqtap, otbasylyq qundylyqtardy jańǵyrtyp, ult mádenıetin nasıhattap, tereń bilim men adal eńbekke den qoıǵan jasampaz el bolamyz!» - dep aıtty. Shyndyǵynda osy sózder Táýelsizdiktiń túıini, bizge baǵdar beretin jolbasshy ekeni aıqyn.
Búgingi zamanda ekonomıkada adamı kapıtaldyń orny erekshe ekeni belgili, al adamı kapıtaldyń negizi – bilim. Sol sebepti, Elbasy bilimdilikti erekshe aıtyp, barlyq baǵdarlamalarynda bilim berige erekshe kóńil bólip keledi.
Elbasy óz sózderinde «Damyǵan el degenimiz – belsendi, bilimdi jáne densaýlyǵy myqty azamattar», “Bizge qazirgi zamanǵy ekonomıkalyq jáne qoǵamdyq modernızasıanyń suranystaryna saı keletin bilim berý júıesi qajet” jáne «HHİ ǵasyrda bilimi ozyq el básekede jeńedi de bilimin damyta almaǵan el tyǵyryqqa tireledi» - dep bilim berý salasynyń mańyzyn atap aıtsa, ekinshi jaǵynan Elbasynyǵ bastamalary Qazaqstan bilimin álemdik deńgeıge kóterýge sebep boldy. Ol bastamalar qatarynda Ulttyq bilim berý júıesin qurý, «Bolashaq» stıpendıasy, Biryńǵaı ulttyq testileý, Nazarbaev ýnıversıteti, Nazarbaev zıatkerlik mektepterin qurý, tegin birinshi jumysshy mamadyǵyn alý jáne basqalardy aıtýǵa bolady.
«Ózińe sen, ózińdi alyp shyǵar, eńbegiń men aqylyń eki jaqtap» dep dana Abaı aıtqandaı, biz tek óz bilimimiz ben kúshimizge senýimiz kerek.
Elimizde talantty ári daryndy, alǵyr da ójet jastar jeterlik.
Endeshe tabystyń kilti úzdiksiz bilim alý men tynymsyz eńbek etýde» - dedi Elbasy.
Nur Otan partıasynyń saılaýaldy baǵdarlamasynda jastarǵa sapaly bilim berýge múmkindik jasaýǵa erekshe kóńil bólindi. Elimizdiń bilim jáne ǵylymı ortalyǵy Almaty qalasynda aldaǵy jyldary 15 jańa mektep jáne 25 mektepke japsarjaı, 15 memlekettik jáne 324 jekemenshik balabaqsha salý josparlanyp otyr. Nur Otan partıasy Almaty qalalyq fılıalynyń janyndaǵy Bilim men ǵylymdy damytý jónindegi aımaqtyq qoǵamdyq keńesi osy jospardyń oryndalýyn baqylaýda ustap otyr. Keńestiń 4 otyrysynda 2021 jyly salynyp bitetin 3 mektep, 17 japsarjaı jáne 2 balabaqshanyń qurylysynyń barysy talqylanyp, usynystar berildi. Sonymen birge keńes músheleri birneshe ret qurylys basynda bolyp, barysymen tanysty. Osynyń barlyǵy partıanyń saılaýaldy josparynyń merziminde oryndalýyna sebepker bolyp jatyr.
Elbasy 2012 jyly «Jalpyǵa Ortaq Eńbek Qoǵamyna qaraı 20 qadam» atty baǵdarlamalyq baǵdarlamasyn jarıalaǵannan beri kóptegen ıdeıalaryn iske asyryp keledi.
Elbasy partıanyń Saıası keńesiniń keńeıtilgen otyrysyndaǵy sózinde eńbek etý týraly kóptegen oılardy aıtyp ketti.
«Men jalpyǵa ortaq eńbek qoǵamyn qurý týraly ıdeıamda onyń bes prınsıpin – evolúsıalyq damý, ortaq jaýapkershilik, ózara seriktestik, yntalandyrý men kásibılikke umtylýdy atap kórsettim.
Onsyz kez kelgen qoǵam kóshtiń sońynda qalýy múmkin.
Adal eńbek qana adamdy muratyna jetkizedi.
Osyny jastardyń sanasyna sińirý qajet» - dep aıtsa, taǵy bir jerde:
«Táýelsizdikti nyǵaıtý – ekonomıkany nyǵaıtý.
Bul barsha halyqtyń eńbegimen keledi.
Sondyqtan jas urpaq el ıgiligi úshin árdaıym eńbek etýge daıyn bolýy qajet» - deıdi.
Osy sózder eńbektiń qadirin de, erekshe ornyn da kórsetedi.