Bul týraly Óńirlik komýnıkasıalar qyzmetiniń baspasóz konferensıasy barysynda aýdan ákimi Erjan Seıtenov málimdedi.
Spıker qazirgi ýaqytta aýdan aýmaǵynda halyqtyń áleýmettik osal toptary qatarynan 46 myńnan astam adam turyp jatqanyn atap ótti, dep habarlaıdy Almaty-akshamy.kz
Olar úshin «Baqytty Otbasy» otbasyn qoldaý ortalyǵy jumys isteıdi, onda aýdannyń 1 850 kóp balaly jáne az qamtylǵan otbasylary tirkelgen. Bıyl ortalyq arqyly 12 myńnan astam túrli qyzmet kórsetilip, eki myńnan astam adamǵa arnalǵan kýrstar men trenıńter uıymdastyryldy.
Sonymen qatar, aýdan mesenattary áleýmettik osal otbasylardan shyqqan 360 balany mektepke qajetti zattarmen qamtyp, «Mektepke jol» aksıasyn qoldady. Jalpy oqytý baǵdarlamasy aıasynda 1 268 oqýshy úshin mektep sómkeleri alyndy.
«Trenajer jáne sport zaldary jelisi bar birqatar kásipkerlerimiz muqtaj otbasylardan shyqqan 398 balany baseınge, sport úıirmelerine jáne Almaty delfınarııine tegin kirgizdi», - dep jalǵastyrdy aýdan ákimi.
E. Seıtenov sondaı-aq aýdannyń 22 kóp balaly anasy eńbek etetin «Isker ana Almaly» áleýmettik tigin sehynyń jumysy týraly aıtyp berdi. Olar 2 myń taýar túrin tigýge tapsyrys berdi.
Sonymen qatar, jyl basynan beri «Bastaý Bıznes» baǵdarlamasy boıynsha aýdanda 175 adam oqytýdan ótti, onyń 70-i 41 mln teńge somasyna memlekettik granttar aldy. Al «Qoldaý» kásipkerlik ortalyǵy arqyly eki kóp balaly ana tigý boıynsha óz isin ashýǵa 4 mln teńgeden grant aldy.
Bıyl Almaly aýdanynda 405 azamatqa 3 mln teńgege turǵyn úı kómegi kórsetildi. Taǵy 1 396 adam 7 AEK kóleminde jalpy somasy 49,8 mln teńgege áleýmettik kómek aldy. Birjolǵy áleýmettik kómek 684 az qamtylǵan azamatqa (20 AEK) 33,7 mln teńge somasynda kórsetildi.
Sońynda Almaly aýdanynyń ákimi Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamanyń júzege asyrylýy týraly aıtyp berdi. Onyń arqasynda 3 262 adam jumysqa ornalastyrylǵan.