Nursultan Nazarbaev Ábsattar Derbisáliniń ǵıbratty ǵumyry men jarqyn beınesi jurtshylyq jadynda árdaıym saqtalatynyna senim bildirdi.
Elbasy belgili ǵalym, qoǵam qaıratkeri Ábsattar Derbisáliniń ómirden ótýine baılanysty orny tolmas aýyr qaıǵyǵa ortaqtasyp, kóńil aıtty, dep habarlaıdy Almaty-akshamy.kz
Qazaqstannyń Tuńǵysh Prezıdenti Ábsattar qajy Baǵysbaıuly sanaly ǵumyryn ǵylym jolyna, dinı aǵartý salasyna arnaǵan parasaty bıik, paıymy joǵary, aqjarqyn azamat bolǵanyn atap ótti. Jedelhatta kórnekti dintanýshynyń Qazaqstan musylmandary dinı basqarmasynyń basshysy qyzmetin atqarǵan kezde múftıat jumysyn jańa deńgeıge kóterýge, elimizde dinaralyq tatýlyq pen ultaralyq kelisimniń nyǵaıýyna zor úles qosqany aıtylǵan.
Nursultan Nazarbaev Ábsattar Derbisáliniń ǵıbratty ǵumyry men jarqyn beınesi jurtshylyq jadynda árdaıym saqtalatynyna senim bildirdi.
Budan buryn belgili dintanýshy, shyǵystanýshy, ıslamtanýshy ǵalym, Ábsattar qajy Derbisáliniń ómirden ozǵanyn habarlaǵanbyz.