Úgit-nasıhat jumystary 24 shilde saǵat 00.00-ge deıin jalǵasady.
Qazaqstanda aýdandyq mańyzy bar qalalardyń, aýyldardyń, kentterdiń, aýyldyq okrýgterdiń 730 ákimin saılaýǵa túsetin úmitkerlerdi tirkeý aıaqtaldy, dep habarlaıdy Almaty-akshamy.kz QazAqparat caıtyna silteme jasap.
Kandıdattardy usyný 9 shilde saǵat 18:00-ge deıin jalǵassa, olardy tirkeý 14 shilde kúni jergilikti ýaqytpen saǵat 18.00-de aıaqtaldy jáne birden úgit-nasıhat jumystary bastaldy. Zańǵa engizilgen ózgertýler men túzetýler boıynsha, úgit-nasıhat jumystary 24 shilde saǵat 00.00-ge deıin jalǵasady.
Naýqan bastalǵaly beri respýblıka boıynsha eki myńnan astam úmitker tirkelgen. Saılaý jarıalanǵan okrýgter sanynyń kóptigine baılanysty kandıdattardyń eń kóbi Aqmola, Qaraǵandy, Almaty jáne Shyǵys Qazaqstan oblystarynda usynyldy. Kandıdattardyń eń azy Mańǵystaý, Atyraý jáne Batys Qazaqstan oblystarynda.
Aıta keteıik, 25 shildede elimizdiń birqatar óńirinde ákimderdiń saılaýy bastalady. Saılaý naýqanynyń jalpy merzimi – 30 kún. Al is basyndaǵy ákimniń ókilettik merzimi aıaqtalǵan jaǵdaıda saılaý 40 kún buryn jarıalanady jáne jumys istep turǵan ákimniń ókilettik merzimi aıaqtalǵanǵa deıin 10 kún buryn ótýi tıis.
2021 jyldan bastap aýyl ákimderiniń tikeleı saılaýyn ótkizý týraly Prezıdent Qasym-Jomart Toqaevtyń «Qazaqstan Jańa naqty ahýalda: is-qımyl ýaqyty» atty Joldaýynda tapsyrma berilgen bolatyn.
Resmı statısıka boıynsha, Qazaqstan halqynyń 40%-dan astamy aýyldyq eldi mekenniń turǵyny retinde tirkelgen. Iaǵnı aýyldyq aýmaqtardy basqarýdyń tıimdi tetigin qalyptastyrý isine Qazaqstan azamattarynyń 40%-dan astamy atsalyspaq.