Elimizdegi jan basyna shaqqandaǵy ortasha tabys 172,2 myń teńgeni qurady.
Ulttyq statısıka búrosynda 12 myń úı sharýashylyǵyna ómir súrý deńgeıi boıynsha júrgizilgen iriktemeli zertteý nátıjeleri usynyldy, dep habarlaıdy Almaty-akshamy.kz Lsm.kz-ke silteme jasap.
Zertteý qorytyndysy boıynsha, 2022 jyldyń IV toqsanyndaǵy halyqtyń 96,6%-y jan basyna shaqqandaǵy ortasha tabysy 200 myń teńgege deıingi dıapazonda boldy. Elimizdegi jan basyna shaqqandaǵy ortasha tabys 172,2 myń teńgeni qurady.
Ulttyq statısıka búrosy bul kórsetkish jalaqydan ózgeshe ekenin atap ótti, óıtkeni ol otbasynyń barlyq múshelerine bólinedi.
Mysaly, úı sharýashylyǵy alty adamnan turady. Kúıeýi aıyna 210 myń teńge tabady, áıeli 30 myń teńge járdemaqymen bala kútimine baılanysty demalysta. Er adamnyń anasy 67,5 myń teńge zeınetaqy alady, otbasynda kámeletke tolmaǵan úsh bala bar. Nátıjesinde osy úı sharýashylyǵynda jan basyna shaqqandaǵy tabys aıyna 51,25 myń teńgeni quraıdy, bul osy kezeńdegi eń tómengi kúnkóris deńgeıinen – 46,6 myń teńgeden sál joǵary.
Buǵan deıin LS redaksıasy 986,6 myńǵa jýyq adamnyń tabysy eń tómengi kúnkóris deńgeıinen tómen ekenin jazǵan bolatyn. Bul kedeılik sheginde turatyn el halqynyń 5%-n quraıdy.