Saǵat 09:00 - degi jaǵdaı boıynsha qalada jáne taýly jerlerde 13-15 sm qar jaýdy. Qar jaýa bastaǵannan beri joldardyń júris bóligin kóktaıǵaqqa qarsy materıaldarmen óńdeý júrgizilýde. Trotýarlar, jalpy paıdalaný oryndary, qoǵamdyq kólik aıaldamalary, jer ústi ótkelderi qardan tazartylýda, dep habarlaıdy almaty-akshamy.kz
Túngi kezeńde jol polısıasynyń patrúldik mashınalarynyń birge erip júrýimen qardy tyrmalaý boıynsha sypyrý-jınaý mashınalarynyń 17 kolonnasy uıymdastyryldy. Magıstraldyq kóshelerden 635 m3 qar syrtqa shyǵaryldy. Jalpy qardan tazartý jumystaryna 50 jedel patrúldik brıgada, 325 birlik arnaıy tehnıka, onyń ishinde 167 qum taratqysh, 1154 jol jumysshysy jumyldyryldy. Qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
«Qazgıdromet» RMK boljamy boıynsha qar 15 saǵatqa deıin birtindep jaýady dep kútilýde. Kúndiz aýa temperatýrasy mınýs 10 - 12, keshke -16 gradýsqa deıin tómendeıdi. Túnde mınýs 23- 25 gradýs aıaz. 13 jeltoqsannan 14 jeltoqsanǵa qaraǵan túni mınýs 25-27 aıaz bolady dep kútilýde. Sondyqtan, komýnaldyq qyzmetterdiń kóktaıǵaqqa qarsy jumystardy jedel jáne sapaly júrgizýin qamtamasyz etý maqsatynda taǵy da avtokólik júrgizýshilerdiń joldy qardan tazartýǵa túsinistikpen qaraýdy, múmkindiginshe qala boıynsha qozǵalysty shekteýdi jáne jeke avtokólikti jol jıekterine qoımaýdy suraımyz.
Jeke kólikpen júrýdiń shuǵyl qajettiligi kezinde júrgizýshilerdi jyldamdyqty tómendetýge, kúrt tejeýge júginbeýge, qashyqtyqty, búıirlik aralyqty jáne manevr jasaý erejelerin saqtaýǵa shaqyramyz. Jaıaý júrginshiler trotýarlarda júrgende abaı bolý, belgilengen jerlerde kóshelerdi kesip ótý kerek, qarttar men balalarǵa kómek kórsetken jón.
Qardy sapaly tazalaý boıynsha turǵyndar Almaty qalasy ákimdiginiń «Open Almaty» qoǵamdyq qabyldaýyna, 1308 baılanys ortalyǵyna júgine alady.