«Tallinn Open» halyqaralyq týrnıri ótti.
Qazaqstandyq taekvondoshylar Estonıada halyqaralyq týrnırden úsh medal jeńip aldy, dep habarlaıdy Almaty-akshamy.kz Olympic.kz-ke silteme jasap.
Estonıanyń Tallın qalasynda taekvondodan «Tallinn Open» halyqaralyq týrnıri ótti. 28-29 tamyz kúnderi ótken G-1 sanatyndaǵy dodaǵa 250-dan astam sportshy qatysty.
Atalǵan básekede 80 kelige deıingi salmaq dárejesinde Nurlan Myrzabaev kúmis medalǵa ıe boldy. Al 87 kelige deıingi salmaq dárejesinde Smaıyl Dúısebaı qola júldeger atansa, 68 kelide synǵa túsken Erasyl Arapbaı ekinshi qolany el qorjynyna saldy.