Monıtorıńtik toptar kásiporyn qyzmetkerleriniń COVID-19 vırýsyna qarsy ekpeniń birinshi komponentimen vaksınalaýdan ótkendigin tekseredi
QR Premer-Mınıstriniń orynbasary Eraly Toǵjanovtyń tóraǵalyǵymen QR aýmaǵynda koronavırýstyq ınfeksıanyń taralýyna jol bermeý jónindegi vedomstvoaralyq komısıanyń (VAK) otyrysy ótti, onda vaksınalaý boıynsha júrgiziletin reıdterdiń algorıtmi maquldandy, dep habarlaıdy Almaty-akshamy.kz 24.kz-ke silteme jasap.
Algorıtmdi Densaýlyq saqtaý mınıstrligi, múddeli memlekettik organdar jáne «Atameken» UKP ázirledi. Reıd barysynda monıtorıńtik top buryn anyqtalǵan buzýshylyqtardan bólek, kásiporyn qyzmetkerleriniń COVID-19 vırýsyna qarsy ekpeniń birinshi komponentimen vaksınalaýdan ótkendigin tekseredi.
Qyzmetkerler sany 50 adamnan asatyn jáne ujymdaǵy adamdardyń 60%-dan azy COVID-19 vaksınasynyń birinshi komponentimen egilgen kásiporyndardyń tizimi jobalyq keńseniń Vaksınalaý kartasy negizinde jasalady. MT reıdin tirkeý tártibi InfoKazakhstan elektrondyq platformasynda júzege asyrylady. MT obektige shyǵý kezinde jumys berýshi ekpe alǵan jáne vaksınasıalaýdan bosatý týraly qujattary bar qyzmetkerlerdi (7 kúnnen aspaıtyn merzimdegi PTR-zertteýler, turaqty/ýaqytsha medısınalyq qarsy kórsetkishter nemese saýyqqannan keıin 3 aı ishinde COVID-19 aýyryp jazylǵan adamdar) kórsete otyryp, tolyq tizim (aty-jóni, JSN) usynady.
MT iriktemeli túrde (qyzmetkerler sany 50-den 200 adamǵa deıin – qyzmetkerlerdiń keminde 10%-i, 201-den 500-ge deıin-keminde 5%, 501-den 1000-ǵa deıin-keminde 3%, 1000-nan joǵary-keminde 1%) Ashyq qosymshasy arqyly qyzmetkerlerdiń mártebesin tekseredi jáne jumys berýshi usynǵan qyzmetkerler tizimimen salystyryp tekseredi. «Jasyldan» basqa mártebesi bar qyzmetkerler anyqtalǵan jaǵdaıda, onyń vaksınasyz jumys ornynda bolý quqyǵyn beretin aqpara (anyqtama) suratylady (merzimi 7 kúnnen aspaıtyn PTR-testileý nátıjesi, turaqty/ýaqytsha medısınalyq qarsy kórsetkishter nemese saýyqqannan keıin 3 aı ishinde COVID-19 indetinen jazylǵan adamdar).
Vaksınalaý tártibiniń buzylǵany rastalǵan jaǵdaıda MT naqty osy tulǵalardy kórsete otyryp materıaldar qalyptastyrady jáne keıinnen sheshim qabyldaý úshin SES organdaryna jiberedi. Kásiporynǵa (basshyǵa ne ózge ýákiletti tulǵaǵa) vaksınasıalanbaǵan jumyskerlerdi qyzmet obektisine jiberýdi shekteý qajettiligi túsindiriledi. Sanıtarlyq-epıdemıologıalyq qyzmet organdary MT-tan kelip túsken materıaldardyń negizinde obektige sanıtarlyq-epıdemıaǵa qarsy jáne sanıtarlyq-profılaktıkalyq is-sharalar júrgizý týraly Qaýly beredi (joldaıdy).
MT Qaýlyda belgilengen merzim ishinde qyzmetkerlerdi jumys oryndaryna negizsiz jiberý faktilerin qaıta anyqtaǵan kezde, jumys berýshini QR ÁQBtK sáıkes ákimshilik jaýapkershilikke tartý týraly másele qaralady. Jergilikti atqarýshy organdar obektilerge ákimshilik sharalardy qoldaný nátıjeleri boıynsha obektiniń Ashyq jobasyna qatysýyn toqtata turady.