Kóptiń tańdaýy jasalatyn naýqanǵa nebári 19 kún qaldy
20-qarashadaǵy el prezıdentiniń saılaýy ulttyq demokratıanyń kórinisi bolmaq. Óıtkeni bul kúni azamattardyń belsendiligi men qoǵamdyq kózqarasy anyqtalady, saıası tańdaý jasalady. Al el bolashaǵy úshin mańyzdy kúnde árkimniń atsalysýy – mindet.
«Biz aýyzbirshilik pen yntymaqtyń arqasynda el bolyp qalýǵa uıymdasqan túrde saılaýǵa ár azamat qatysý kerek. Ol – bizdiń azamattyq paryzymyz», – dedi mádenıettanýshy, QR Eńbek sińirgen qaıratkeri Nurbaqyt Bókebaı.
Kóptiń tańdaýy jasalatyn naýqanǵa nebári 19 kún qaldy. Bul aralyqta azamattardyń ár kandıdattyń baǵdarlamasymen tanysýy shart. Bastysy, qazaqstandyqtardyń saılaýǵa qatysýdaǵy belsendiligi, daýys berýdegi azamattyq kózqarasy.
«Árbir qazaqstandyq bul saılaýǵa nemquraıly qaramaýy kerek. Sebebi bul bizdiń taǵdyrymyz, bul elimizdiń, tilimizdiń, bolashaǵymyzdyń taǵdyry. Sondyqtan da men búkil otandastarymdy saılaýǵa túgeldeı qatysýǵa shaqyramyn», – dedi akter, QR Eńbek sińirgen qaıratkeri Baıǵalı Esenálıev.