Almatyda İ Kreatıvti ındýstrıalar aptalyǵy bastaldy
Almatyda kreatıvti ındýstrıa salasynda 27 myń 200 myń kásiporyn tirkelgen. Onyń tek 22 myńy jumys istep tur. Bul týraly Almaty qalasy ákiminiń orynbasary Álisher Ábdiqadyrov Almatyda İ Kreatıvti ındýstrıalar aptalyǵy aıasynda uıymdastyrylǵan plenarlyq sesıada aıtty, dep habarlaıdy Almaty-akshamy.kz QazAqparatqa silteme jasap.
Spıkerdiń aıtýynsha, Almatyda sońǵy jyldary aqparattyq júıelerdi jobalaý, baǵdarlamalyq qamtamasyz etý, veb-portaldardy ázirleý, mýzyka, kınoındýstrıa, jarnama, marketıń, bilim berý jáne mádenıet salasyndaǵy qyzmetter sany ósip keledi.
«2021 jyly kreatıvti ındýstrıa salasyndaǵy bıznes sýbektileri 5,4 mlrd teńge salyq tóledi. Bul 2020 jylmen salystyrǵanda 5% ósim kórsetti. Jumys istep turǵan eń kóp kásiporyn Bostandyq (5862 sýbekt), Almaly (5214), Medeý (3845) aýdandarynda, eń azy Alataý (1138) jáne Naýryzbaı (773) aýdandarynda baıqaldy»,- dedi Álisher Ábdiqadyrov.
Kreatıvti kásipkerlerge júrgizilgen saýalnama boıynsha Almatyda kreatıvti ındýstrıanyń damýyna kedergi keltirip otyrǵan birqatar máseleler anyqtaldy.
«Almatyda kreatıvti kásipkerlerdiń 85%-y ınfraqurylymǵa muqtaj, 56%-y bıznesti júrgizý quzyretiniń deńgeıi tómen ekenin aıtty, 31%-ǵa qarjylandyrý jetispeıdi, 10%-y bilikti kadrlardyń tapshylyǵyn aıtty. Bul máseleler kreatıvti ındýstrıany damytý úshin ınfraqurylymdy qalyptastyrý, kreatıvti ındýstrıaǵa kásipkerlikti yntalandyrý, kreatıvti ındýstrıany damytý úshin bilim, tájirıbe men quzyretterdi qalyptastyrý, ony taratý jolymen sheshiledi»,- dedi Almaty qalasy ákiminiń orynbasary Álisher Ábdiqadyrov.
Eske salaıyq, Almatyda İ Kreatıvti ındýstrıalar aptalyǵy bastaldy. Ol 1-5 qarasha aralyǵynda ótedi.
Sharaǵa bilim berý jáne kreatıvti habtar, Qazaqstan, Reseı, Belarýs, Qyrǵyzstan, Ózbekstan, Golandıa, Italıa, Ulybrıtanıa elderiniń kreatıvti segment uıymdary qatysady.