Óndiris kólemi artqan aımaqtyń arasynda Almaty qalasy da bar.
Bul týraly Ulttyq ekonomıka mınıstri Álibek Qýantyrov málimdedi, dep habarlaıdy Almaty-akshamy.kz.
Onyń ishinde naqty sektordaǵy ósim 2,7%, al qyzmet kórsetý salasyndaǵy ósim 5% boldy. Negizgi salalardyń barlyǵynda oń dınamıka baıqalǵan. Áásirese qurylys, saýda, aqparat jáne baılanys eń joǵary ósýdi kórsetti. Negizgi kapıtalǵa salynǵan ınvestısıalardyń ósý qarqyny 19,2% boldy.
Investısıalar aǵyny kólik jáne qoımalaýda – 72,8%-ke, aýyl sharýashylyǵynda – 33,1%-ke, jyljymaıtyn múlikpen operasıalarda – 12,1%-ke, sondaı-aq ónerkásipte – 14,1%-ke, onyń ishinde taý-ken óndirý ónerkásibinde – 12,2%-ke, óńdeý ónerkásibinde – 7,2%-ke ósti.
"Óńirler arasynda eń joǵarǵy ósim Ulytaý, Mańǵystaý, Pavlodar jáne Qaraǵandy oblystarynda baıqaldy. Aldyn ala qorytyndy boıynsha 2023 jylǵy qańtarda syrtqy saýda taýar aınalymy 15,7%-ke ósip, 10,3 mlrd. dollardy qurady. Onyń ishinde eksport boıynsha kórsetkish 0,4%-ke ósip, 6,1 mlrd. dollarǵa deıin jetti. Bul rette óńdelgen taýarlar eksporty 21,5%-ke ulǵaıyp, 2,1 mlrd. dollardy qurady", - dedi Álibek Qýantyrov.
Taýarlar ımporty 4,2 mlrd. dollarǵa jetti. Jalpy oń saýda balansy 1,9 mlrd. dollarǵa teń. Óńdeý ónerkásibinde oń ósý saqtalyp otyr. Óndiris kólemi 2,5%-ke ósti. Kórsetkish ósýi 16 óńirde tirkeldi. Sonyń ishinde Soltústik Qazaqstan, Ulytaý, Almaty oblystary jáne Almaty qalasy eń joǵarǵy ósýdi kórsetti.
Óńdeý ónerkásibi salalary boıynsha mashına jasaý óndirisiniń 31,5%-ke, onyń ishinde avtomobıl jasaýdyń – 34,2%-ke, elektr jabdyqtaryn jasaýdyń – 48,7%-ke ósýi qamtamasyz etildi. Sonymen qatar ósý kelesi salalarda baıqalyp otyr: azyq-túlik óndirisi – 9,6%, munaı óńdeý ónimderi – 5,4%, hımıa ónerkásibi – 3,6%, sýsyndar óndirisi – 22,6%, farmasevtıka óndirisi – 16,7%, jeńil ónerkásibi – 34,3%.
Bıyl qańtar-aqpanda 2,1 mln. sharshy metr turǵyn úı paıdalanýǵa berildi, bul ótken jyldyń sáıkes kezeńimen salystyrǵanda 22,2%-ke joǵary. Turǵyn úıdi paıdalanýǵa berýdiń eń joǵary kórsetkishteri Almaty jáne Shymkent qalalarynda, sondaı-aq Mańǵystaý jáne Atyraý oblystarynda baıqaldy.
Aýyl sharýashylyǵynyń jalpy shyǵarylymy 3,9%-ke ulǵaıdy. Saladaǵy óndiristiń oń ósýi 16 óńirde tirkeldi. Eń joǵarǵy ósimdi Shyǵys Qazaqstan, Mańǵystaý, Aqmola jáne Qostanaı oblystary kórsetti.
7 ekonomıkalyq kórsetkish boıynsha óńirler arasyndaǵy jalpy jaǵdaı mynadaı:
Barlyq kórsetkishter boıynsha oń ósim 6 óńirde – Abaı, Batys Qazaqstan, Mańǵystaý jáne Pavlodar oblystarynda, sondaı-aq Almaty jáne Shymkent qalalarynda baıqalady.
6 kórsetkish boıynsha ósim 9 óńirde tirkeldi. Bul Aqmola, Almaty, Atyraý, Jambyl, Qaraǵandy, Qostanaı, Qyzylorda, Soltústik Qazaqstan, Túrkistan oblystary.