Almatynyń ekologıa jáne qorshaǵan orta basqarmasy turǵyndarǵa tegin kóshet taratýǵa arnalǵan «Jasyl aýla» aksıasynyń bastalǵanyn habarlaıdy. Kópqabatty úıler aýlasy men qoǵamdyq keńistikterdi kógaldandyrýǵa nıetti árbir almatylyq shegirshin, sánaǵash, shaǵan men qaıyńnyń kóshetterin tegin ala alady, dep habarlaıdy Almaty-akshamy.kz.
Ótinishter 15-24 naýryz aralyǵynda qabyldanady. Turǵyndarǵa yńǵaıly bolýy úshin kóshetter demalys kúnderi taratylatyn bolady.
Bir adamǵa 20 kóshetten artyq berilmeıdi. Aksıaǵa qatysýshylardyń otyrǵyzylǵan aǵashtardy aldaǵy úsh jyl boıy kútip-baptaý týraly kepildi mindettemege qol qoıatyndyǵyn eskergen jón. Qatysý úshin Jasyl.aula.almaty@gmail.com elektrondy poshtasyna kelesi málimetterdi joldaý qajet:
- Qatysýshynyń aty-jóni men telefon nómiri, aǵash otyrǵyzylatyn orynnyń naqty mekenjaıy;
- Aǵash otyrǵyzylatyn orynnyń fotosy (mamandarǵa oryndy tolyqtaı baǵalaýǵa múmkindik bolýy úshin panoramalyq formatta bolǵany jón);
- Suralyp otyrǵan kóshet túri men sany.
Kóshetter 1, 2 jáne 9, 10 sáýir kúnderi Almaty qalasy, Áýezov aýdany, Iýrıı Kım kóshesi, 9 («Eco Almaty» JSHS) mekenjaıynda taratylady. Sońynan joǵaryda kórsetilgen elektrondy mekenjaıǵa fotoesep joldaý qajet. Kórsetilgen ýaqyttan keıin joldanǵan ótinishter qarastyrylmaıdy. Qosymsha aqparat alý úshin Jasyl qordy baqylaý bólimine kelesi nómirler boıynsha habarlasýǵa bolady: +7777 068 56 38.