Memorgandar eki aı ishinde 101 mlrd teńge búdjet qarajatyn ıgermegen – Qarjy mınıstri. Eń kóp qarajat ıgermegen organdar - İshki ister, Qarjy, Ǵylym jáne joǵary bilim, Aqparat jáne qoǵamdyq damý mınıstrlikteri
Jyl basynan beri eki aıda memlekettik búdjetke 3,4 trln. teńge shamasynda, al respýblıkalyq búdjetke 2,5 trln teńge kiris túsken. Bul týraly Premer-Mınıstrdiń orynbasary, Qarjy mınıstri Erulan Jamaýbaev málim etti, dep habarlaıdy Almaty-akshamy.kz Azattyq Ruhy-na silteme jasap.
«Memlekettik búdjettiń shyǵystary 95,8%-ǵa, respýblıkalyq búdjettiń shyǵystary – 96,5%-ǵa, jergilikti búdjetterdiń shyǵystary 96,6%-ǵa atqaryldy. Respýblıkalyq búdjet boıynsha 3,4 trln teńge somasyna shyǵys tirkeldi. 123 mlrd teńge atqarylmasa, onyń ishinde 22 mlrd teńge únemdelgeni, al, 101 mlrd teńgesi ıgerilmegeni», - dedi Jamaýbaev.
Qarjy mınıstri sondaı-aq, búdjet qarajatyn ıgermegen memorgandardy da atady.
«Eń kóp qarajat ıgermegen organdar - İshki ister, Qarjy, Ǵylym jáne joǵary bilim, Aqparat jáne qoǵamdyq damý mınıstrlikteri», - dedi ol.