Bul týraly Úkimet otyrysynda Ulttyq ekonomıka mınıstri málimdedi.
Álibek Qýantyrovtyń sózinshe, joǵary kórsetkish qurylys, saýda, aqparat jáne baılanys, sondaı-aq kólik salasyna tıesili. Máselen, jyl basynan beri elde 13 mln sharshy metrden astam turǵyn úı paıdalanýǵa berildi, dep habarlaıdy Almaty-akshamy.kz 24.kz-ke silteme jasap.
Bul byltyrmen salystyrǵanda shamamen 13%-ke kóp. Jalpy memlekettik búdjetke 16 trln teńgege jýyq kiris túsken. Osylaısha, jospar 98%-ke oryndaldy.
«Qyzmet kórsetý sektory boıynsha saýda 10%-ten astam, baılanys 8% jáne kólik sektory 7%-ke ósti. Taý-ken óndirýdi eseptemegende negizgi kapıtalǵa salynǵan ınvestısıalardyń ósýi 17,5% boldy. Barlyq negizgi kórsetkishter boıynsha Abaı, Batys Qazaqstan, Jetisý, Qyzylorda oblystarynda jáne Almaty qalasynda kórsetkishter jaqsy. Jyl sońyna deıin barlyq óńirler áleýmettik-ekonomıkalyq damýdyń nysanaly kórsetkishterine qol jetkizýi tıis», - deıdi QR Premer-mınıstri Álıhan Smaıylov.