Almaty qalasy Medeý aýdanynyń prokýratýrasy júrgizgen taldaý, qaladaǵy birneshe bankter tarpynan múmkindigi shekteýli adamdardyń quqyqtary buzylǵandyǵyn anyqtady, dep habarlaıdy Almaty-aksamy.kz
Prokýrorlarmen kezdesý barysynda múgedekter qoǵamynyń ókilderi qaladaǵy ekinshi deńgeıli bankterdiń (EDB) bólimshelerine qoljetimdiliktiń joqtyǵyn aıtyp shaǵymdanǵan.
Arnaıy tekseris júrgizgen prokýrorlar qaladaǵy bankterdiń birde-bir bólimshesi qoıylǵan talaptarǵa sáıkes emestigin anyqtady, ıaǵnı pandýstar, mnemosqemalar, arnaıy kasalar talapqa saı emes,keıbirinde múlde joq ekenidigin anyqtaǵan.
Almatyda múmkindigi shekteýli 50 myńnan astam adam turady.
«Qazaqstan Respýblıkasynda múgedekterdi áleýmettik qorǵaý týraly» QR zańynyń 14-babyna sáıkes Qazaqstan Respýblıkasyndaǵy múgedekter Qazaqstan Respýblıkasynyń Konstıtýsıasymen, Qazaqstan Respýblıkasynyń basqa da zańnamalyq aktilerimen bekitilgen, áleýmettik ınfraqurylym obektilerine qol jetkizýdi qamtamasyz etý quqyǵyn qosa alǵanda, barlyq áleýmettik-ekonomıkalyq jáne jeke quqyqtary men bostandyqtaryna ıe.
Osyǵan baılanysty, Qazaqstan Respýblıkasynyń múgedektigi bar adamdardy áleýmettik qorǵaý týraly zańnamasyn buzǵany úshin Almaty qalasy Eńbek jáne áleýmettik qorǵaý komıtetiniń departamentimen 13 EDB «Ákimshilik quqyq buzýshylyq týraly» QR Kodeksiniń 83-baby boıynsha 9 mln teńgeden astam somaǵa ákimshilik jaýaptylyqqa tartyldy, - dep jazdy Bas prokýratýranyń ,baspasóz qyzmeti.
Sonymen qatar ýákiletti organ barlyq bankterge buzýshylyqtardy joıý jáne múgedektigi bar adamdar úshin kózdelgen jaǵdaılardy jasaý qajettigi týraly uıǵarymdar berdi.
Qazirgi ýaqytta 8 bank óz bólimshelerin talapqa sáıkestendirip úlgerdi, qalǵandary tıisti sharalar qabyldaýda.