Almatydaǵy Qazaqstandyq orys mádenı ortalyǵynyń tóraǵasy Vsevolod Lýkashev referendýmǵa qatysyp daýys berdi, dep habarlaıdy aqshamnews.kz.
– Búgin Qazaqstan tarıhyndaǵy mańyzdy kúnderdiń biri, ol bizdiń qoǵamymyzdyń demokratıalyq ekenin kórsetedi. El damýynyń negizgi máseleleri boıynsha jalpy talqylaý jáne sheshim qabyldaý mańyzdy, – dedi Vsevolod Lýkashev.
– Búgin biz balalarymyzdyń bolashaǵy qandaı bolatynyn jáne elimizdiń álemdegi ornyn anyqtap otyrmyz.
Áńgime barysynda spıker qazirgi álemde ǵylymı progres naǵyz táýelsizdikti anyqtaıtynyn atap ótti.
– Damyǵan elderde ómir súrý deńgeıin ár turǵynǵa shaqqandaǵy tutynylǵan elektr energıasymen baǵalaıdy. Tutyný deńgeıi joǵary bolǵan saıyn ómir súrý deńgeıi de joǵary. Búgin biz energetıkalyq tabysty bolashaqqa tarıhı qadam jasap jatyrmyz. Egemen Qazaqstan energetıkalyq erkin elderdiń aldyńǵy qatarynda óz ornyn alady, – dedi Vsevolod Lýkashev.