Aty ańyzǵa aınalǵan qazaqstandyq opera ánshisi, Memlekettik syılyqtyń laýreaty Bıbigúl Tólegenova atom elektr stansıasyn salý máselesi boıynsha referendýmǵa qatysty, dep habarlaıdy aqshamnews.kz.
Bıbigúl Ahmetqyzy daýysyn úıinde berdi. №559 saılaý ýchaskesiniń ókilderi búletenderge arnalǵan ýrnany Bıbigúl Ahmetqyzynyń turǵylyqty mekenjaıyna ákeldi.
Ártis bul oqıǵanyń el úshin mańyzdylyǵyn atap ótti. Onyń aıtýynsha, referendýmǵa qatysý-árbir azamattyń Qazaqstannyń bolashaǵyna degen jaýapkershiligi.
"Mundaı sheshimder muqıat oılastyrýdy qajet etedi, óıtkeni olar eldegi qazirgi jaǵdaıǵa ǵana emes, kelesi urpaqtyń bolashaǵyna da áser etedi. Men elimiz úshin osy mańyzdy máselege óz daýysymdy qosa alatynymdy maqtan tutamyn", - dep atap ótti Bıbigúl Ahmetqyzy.
Opera ánshisiniń aıtýynsha, Qazaqstan áli de jas memleket jáne ony qoldaý kerek, elimiz úshin mańyzdy oqıǵalarǵa qatysyp, sol arqyly memleketimiz úshin damýdyń eń jaqsy jolyn tańdaý kerek.
Esterińizge sala keteıik, búgin Qazaqstan aýmaǵynda atom elektr stansıasyn salý máselesi boıynsha respýblıkalyq referendým ótýde. №48 mektep-lıseıdegi №388 saılaý ýchaskesine alǵashqylardyń biri bolyp qala basshysy Erbolat Dosaev daýys berý úshin jubaıymen birge keldi. Almaty turǵyndary turǵylyqty jeri boıynsha saılaý ýchaskelerine baryp, saǵat 20.00-ge deıin óz daýystaryn bere alady.