Oqý-aǵartý mınıstrligi "Balalardy zorlyq-zombylyqtan qorǵaý, sýısıdtiń aldyn alý jáne olardyń quqyqtary men salamattyǵyn qamtamasyz etý jónindegi 2023-2025 jyldarǵa arnalǵan keshendi josparǵa" engiziletin ózgertýlerdi qoǵam talqysyna usyndy, dep habarlaıdy aqshamnews.kz.
Josparǵa sáıkes, ata-analarǵa arnalǵan kýrstardy qazaqstandyq otbasylar úshin mindetti etý máselesi qarastyrylady. Mınıstrliktiń usynysy boıynsha, jastar nekesin tirkeý aldynda, jas otbasylar júktilik kezeńinde jáne balanyń dúnıege kelýiniń aldynda, sondaı-aq, balany balabaqsha men mektepke berer aldynda ata-analarǵa arnalǵan kýrstarǵa qatysýy kerek.
Bul ata-analardyń jaýapkershiligin arttyrýǵa, bala tárbıesin jaqsartýǵa kómektesedi jáne áleýmettik máselelerdi sheshýde de mańyzdy. Balany dúnıege ákelgen kezde jáne balabaqsha men mektepke qabyldaý kezinde ata-analardy oqytý balalardyń bilim berý ortasyna beıimdelýin jáne pedagogtar men medısına qyzmetkerlerimen ózara árekettesýin jaqsartady, – delingen mınıstrliktiń túsindirme jazbasynda.
Sonymen qatar, ata-analar mektebi ákelerdiń tárbıe prosesine aralasýyn arttyrýǵa kómektesedi.