Úkimet otyrysynda ekologıa jáne tabıǵı resýrstar mınıstri Erlan Nysanbaev el aýmaǵynyń 71%-ynda qar jatqanyn habarlady.
Ol 11 naýryzdaǵy jaǵdaı boıynsha qar astynda jatqan aýmaq 71%-dy quraıtynyn, degenmen bul ótken aptaǵa qaraǵanda 15%-ǵa az ekenin atap ótti, dep habarlaıdy aqshamnews.kz.
Elimizdiń ońtústiginde: Qyzylorda, Túrkistan jáne Jambyl oblystarynda, batysynda: Batys Qazaqstan, Atyraý jáne Mańǵystaý oblystarynda qar erip jatyr.
«Naýryz aıynda temperatýra kóterilip, jaýyn-shashyn kóp bolsa erigen qar sýynan taý ózenderinde tasqyn júrýi múmkin. Ortalyq, soltústik jáne shyǵys aımaqtarda qar qalyń, naýryz aıynda jaýyn-shashyn mólsheri aılyq normadan eki jáne odan da kóp túsedi dep kútilip otyr. Mysaly, Astanada birinshi onkúndiktiń ózinde aılyq jaýyn-shashyn mólsheri tústi»,
— dep atap ótti Erlan Nysanbaev.