Oǵan mádenıet mınıstri jáne odan keıin Ulttyq mýzeıdiń dırektory bolǵan ýaqytynda urlyq jasaǵan degen aıyptar taǵyldy.
Arystanbek Muhamedıulyna jańa úkim shyqty, biraq áli zańdy kúshine engen joq, dep habarlaıdy Almaty-akshamy.kz
Ol bótenniń múlkin urlaýdy uıymdastyrǵany jáne oǵan kómekteskeni úshin sottaldy
Astana qalasynyń sotynyń málimetinshe, Astana qalasynyń qylmystyq ister jónindegi aýdanaralyq soty Arystanbek Muhamedıulyna qatysty sot úkimin shyǵardy.
«Ol óziniń orynbasarlarymen aldyn ala sóz baılasý arqyly 2017-2019 jyldar aralyǵynda «Álem murajaılary boıynsha Altyn adamnyń sherýi» halyqaralyq kórme jobasyn iske asyrý sheńberinde "E." JSHS dırektorynyń orynbasary men býhgalteriniń kómegimen 1,5 mlrd. teńge somasyna baǵany kóterý jolymen, qyzmetter kórsetýdi jáne taýardy tıep-jóneltýdi is júzinde oryndamaı, asa iri mólsherde jumsaý jolymen qarajatty jymqyrǵan», – dep aıyp taqty sot.
Taǵylǵan aıyp tiziminde búdjet qarajatyn jymqyrýdyń birneshe faktisi bar. Sotta prokýror aıypty qoldap, sottalýshylarǵa 2 jyldan 12 jylǵa deıin bas bostandyǵynan aıyrý jazasyn taǵaıyndaýdy surady. Al advokattar sottalýshylardy aqtaýdy surady.
«Sot úkimimen Arystanbek Muhamedıuly Qylmystyq kodekstiń 28-babynyń 3-bóligi - 189-baby 4-bóliginiń 2) tarmaǵy, 361-baby 4-bóliginiń 3) tarmaǵy, 24-babynyń 3-bóligi - 249-babynyń 1-bóligi, 28-babynyń 3-bóligi - 250-babynyń 1-bóliginde kózdelgen qylmystyq quqyq buzýshylyqtar jasaǵany úshin kináli dep tanylyp jáne 13.02.2024 jylǵy úkimdi eskere otyryp, QK-niń 58-baby 6-bóligin qoldana otyryp, ómir boıy memlekettik qyzmette qyzmet atqarý quqyǵynan jáne 11 jylǵa bas bostandyǵynan aıyryldy», - dep jazdy Astana qalasynyń soty.
QR mádenıet jáne sport mınıstrliginiń talap aryzy qanaǵattandyrylyp, 3,5 mlrd. teńgeden astam somada keltirilgen zalal óndirildi.