Bular endi bes jylǵa deıin bankten kredıt ala almaıdy.
Qazaqstanda 10 myńǵa jýyq azamattyń kredıti keshirildi, dep habarlaıdy Almaty-akshamy.kz
Osy maqsatqa shamamen 20 mıllıard teńgedeı qarjy jumsaldy. Memlekettik kirister komıtetiniń málimetinshe, jeke tulǵalardan 86 myń ótinish kelip túsken. Onyń jartysynan kóbi maquldanbapty. Sebebi, bul azamattardyń bereshegin keshiktirip tóleý merzimi 12 aıdan aspaǵan.
Bankpen nesıe rásimdegen qujatyn da joǵaltyp sergeldeńge túskeni bar. Al endi ne ózinde, ne otbasy múshelerinde tirkeýde múlki bardyń ótinishi o bastan maquldanbaǵan.
«Jeke tulǵalardy bankrot dep taný týraly» zań byltyrdan bastap kúshine engen. Bul sanatqa kirgender bes jylǵa deıin bankten kredıt ala almaıdy. Sondaı-aq onyń qarjy ahýalyna úsh jyl boıy baqylaý júrgiziledi. Jeti jyl ishinde ózin qaıtadan bankrot dep jarıalaı almaıdy.
«9871 qazaqstandyqtyń nesıesi keshirildi. Sonyń ishinde, 944 adamǵa ataýly áleýmettik kómek taǵaıyndalǵan. Bul azamattardyń endi qarjy saýatyn arttyrý úshin jumys isteımiz», - dedi Memlekettik kirister komıteti tóraǵasynyń orynbasary Qaırat Mıatov.