Páter utysynyń oıynyna osy jyldyń 25 maýsymy men 31 tamyzy aralyǵynda vaksınanyń birinshi komponentin alatyn 18 jastan asqan qala turǵyndary qatysa alady.
Bul týraly Nur-Sultan qalasynyń ákimi Altaı Kólginov óziniń ınstagram paraqshasynda jazdy, dep habarlaıdy Almaty-akshamy.kz.
«Koronavırýstyń taralýyn boldyrmaý jáne vaksınasıa júrgizý boıynsha shtab otyrysyn ótkizdim. Óz orynbasarlaryma, basqarma basshylaryna jáne aýdan ákimderine jetekshilik etetin salalarda vaksınasıalaýdyń mańyzdylyǵy men qajettiligin joǵary deńgeıde túsindirý úshin jekelegen jaýapkershilik júkteldi.
Ujymdyq ımýnıtetti qalyptastyrý úshin qala halqynyń 60 paıyzdan astamy vaksınalanýy qajet. Sanıtarlyq dárigerler karantındik qosymsha shekteýler týraly jańa qaýly daıyndaýda: qaýip-qater toby úshin vaksınasıa mindetti, vaksınasıalanbaǵan qyzmetkerlerdi qashyqtan jumys isteý rejımine kóshirý jáne taǵy basqa talap etiledi.
Qala turǵyndaryn yntalandyrý úshin baǵaly syılyqtardyń utys oıynyn engizip jatyrmyz. Al jańadan vaksınalanǵandar arasynda eki bólmeli páter oınatpaqpyz (ınvestorlar esebinen). Utys oıynyna qala emhanalarynda nemese SOO/SÚ pýnktterinde ekpe alǵan qala turǵyndarynyń bári qatysa alady», -dedi qala basshysy.
Ákimniń aıtýynsha, páter utysynyń oıynyna osy jyldyń 25 maýsymy men 31 tamyzy aralyǵynda vaksınanyń birinshi komponentin alatyn 18 jastan asqan qala turǵyndary qatysa alady. Qyrkúıek aıynyń basynda nátıjesi jarıalanady.
«Konkýrstyń ádil ótýi jáne vaksınasıalanǵandardy tolyǵymen qamtý úshin (kórsetilgen kezeńde) IT-qoǵamdastyqty jumyldyramyz. Aıta keteıin, buǵan deıin «MEGA Silk Way» SOO vaksınalanǵandar arasynda avtokólik utys oıyny ótetinin habarlaǵan. Sol sıaqty SOO/SÚ pýnktterinde vaksınalanǵandar arasynda kompúterlik jáne turmystyq tehnıkalardyń, iPhone smartfonynyń utys oıyndary oınatylady. Sońǵy kúnderi turǵyndardyń vaksına alýdaǵy belsendiligi qýantady. Qala turǵyndary osylaısha óz densaýlyǵyna jaýapkershilikpen qaraı bastady ári «Delta» shtamynyń qaýpin túsindi. Vaksına alý – pandemıamen kúrestegi jalǵyz ári tıimdi ádis!» - dedi Altaı Kólginov.