Bıyl Qazaqstannyń jalpy ishki ónimi 6 paıyzǵa ósti, - dep habarlaıdy Aqshamnews.kz tilshisi.
Ulttyq statısıka búrosynyń aldyn ala derekterine sáıkes, 2025 jylǵy qańtar-mamyr aılarynda Qazaqstannyń jalpy ishki ónimi byltyrǵy osy kezeńmen salystyrǵanda 6 paıyzǵa ósken.
Mundaı nátıjege ónerkásip pen qurylys salalarynan bastap saýda, kólik jánebaılanysqa deıingi negizgi salalardaǵy ósim qarqynynyń jedeldeýi yqpal etti.
Ónerkásip óndirisi 6,4 paıyzǵa artty. Eldiń 17 óńirinde ósim baıqaldy: eń joǵary ósim +22,9 paıyz kórsetkishimen ken óndirý, tyńaıtqyshtar, portlandsement pen qant óndirisiniń belsendi damýynyń nátıjesinde Jambyl oblysynda tirkeldi. Túrkistan jáne Jetisý oblystarynda óndiris 14,8 paıyzǵa, Almaty qalasynda 14,1 paıyzǵa ósti. Shymkent qalasynda ósim 18,9 paıyzǵa jetti.
Aýyl sharýashylyǵyndaǵy ósim 4,0 paıyzdy qurady (qańtar-sáýir aılaryndaǵy 3,9 paıyzben salystyrǵanda). Eń aıqyn ósim Atyraý oblysynda (+10,4 paıyz), Soltústik Qazaqstan oblysynda (+7,5 paıyz) jáne Aqmola oblysynda (+6,5 paıyz) tirkeldi, bul negizinen mal men qus soıymynyń artýy esebinen boldy. Túrkistan oblysynda ósim 6,3 paıyzdy, Abaı oblysynda – 3,6 paıyzdy, al Qostanaı oblysynda – 4,8 paıyzdy qurady.
Qurylys salasy qarqyndy damyp keledi, 15,4 paıyzǵa ósti. On segiz óńirde ósim tirkeldi, al Mańǵystaý oblysynda mektepter, tushshytqysh zaýyt, munaı jáne sý qubyrlaryn qaıta jańartý, aýdandyq aýrýhana jáne avtojoldardy jóndeý sıaqty aýqymdy jobalardyń arqasynda jumys kólemi eki esege artty. Qyzylorda oblysynda ósim 64,5 paıyzdy, Qostanaıda – 57,8 paıyz, Astanada – 51,8 paıyz, Túrkistan oblysynda – 46,6 paıyz boldy. Turǵyn úı qurylysy da qarqyn alyp keledi: bes aıdyń ishinde 6 mln sharshy metrden astam turǵyn úı paıdalanýǵa berildi, bul byltyrmen salystyrǵanda 5,7 paıyzǵa kóp. Eń belsendi qurylys Túrkistan oblysynda (+25,5 paıyz), Shymkent qalasynda (+23,4 paıyz) jáne Almaty oblysynda (+20,4 paıyz) baıqaldy.
Negizgi kapıtalǵa salynǵan ınvestısıa18,2 paıyzǵa artty. Bul ósim kólik, óndiristik jáne áleýmettik ınfraqurylymǵa, sondaı-aq jabdyqtar men jańa ónerkásiptik nysandarǵa baǵyttalǵan qarjy salymdarynyń esebinen qamtamasyz etildi.
Saýda aınalymy 7,8 paıyzǵa artty (qańtar-sáýir aıynyń qorytyndysyndaǵy 7,0 paıyzben salystyrǵanda). İshki saýda qurylymynda kóterme saýdanyń úlesi shamamen 68 paıyzdy quraıdy. Aǵymdaǵy jyldyń qańtar-mamyr aılarynda kóterme saýda 8,3 paıyzǵa, bólshek saýda 6,5 paıyzǵa ósti.
Ósim qarqyny boıynsha Túrkistan oblysy (+66,2 paıyz), Aqmola oblysy (+48,9 paıyz) jáne Shymkent qalasy (+23,1 paıyz) aldyńǵy qatarda.
Baılanys jáne telekomýnıkasıa salasy 2,8 paıyzǵa ósti. Bul Internet jelisi qyzmetteri esebinen (+13,9 paıyz).
Kólik salasy 23,1 paıyzdyq ósim kórsetti — bul kóbinese júk temirjol kóliginiń (+17 paıyz) jáne qubyr arqyly tasymaldaýdyń ósýinebaılanysty (+13,8 paıyz). Eń joǵary ósim Jetisý oblysynda (+39,1 paıyz), Abaı oblysynda (+17,7 paıyz) jáne Aqtóbe oblysynda (+11,3 paıyz) tirkeldi.
Úkimet eldiń turaqty áleýmettik-ekonomıkalyq damýyn qamtamasyz etý jónindegi Prezıdenttiń tapsyrmalarynyń oryndalýyn jeke baqylaýda ustaýdy jalǵastyryp keledi.