Almaty qalasynda "Quqyqtyq tártip" jedel aldyn alý is-sharasy jalǵasyp jatyr.
Naýqan bastalǵannan beri Almaty qalasy polısıa departamentiniń azamattyq jáne qyzmettik qarý aınalymyn baqylaý bóliminiń qyzmetkerleri jergilikti polısıa qyzmetimen birlesip, qarý ıeleriniń qarýdy saqtaý sharttarynyń saqtalýyn baqylaý maqsatynda mekenjaı boıynsha tekserýler uıymdastyrdy, dep habarlaıdy aqshamnews.kz Polisia.kz-ke silteme jasap.
Búgingi kúnge deıin 691 qarý ıesi tekserilip, qarýdy saqtaý erejelerin, sondaı-aq qarýdy tirkeý jáne qaıta tirkeý merzimderin buzýdyń 17-den astam deregi anyqtaldy.
-Jiberilgen quqyq buzýshylyqtar úshin qarý ıeleri Qazaqstan Respýblıkasynyń zańnamasyna sáıkes ákimshilik jaýapkershilikke tartyldy. Biz tekserýmen shektelmeımiz, árbir qarý ıesimen qarýdy saqtaý erejeleri men ruqsat qujattarynyń merzimderin qatań saqtaý týraly profılaktıkalyq áńgime júrgiziledi. Sondaı-aq buzýshylyqtardyń saldary, onyń ishinde qylmystyq jaýapkershilikke deıin jetkiziletini eskertiledi, – dedi Almaty qalasy PD ákimshilik polısıa basqarmasynyń bastyǵy Asqat Qulbaev.
Almaty qalasynyń polısıasy, qarýdy turǵylyqty jerde saqtaý belgilengen talaptarǵa saı bolýy kerektigin eske salady. Qarý ıeleri ruqsat qujattarynyń merzimin ýaqytynda uzartýǵa jáne azamattyq pen qyzmettik qarýdyń aınalymy salasyndaǵy zańnama normalaryn qatań saqtaýǵa mindetti.