Resmı derekterge súıensek, elímízde ekonomıkalyq ósím baıqalady. Qazaqstanda ártaraptandyru jūmystary júríp, agrosektorǵa, qaıta óńdeu ónerkásíbíne jáne jańartylatyn energıya kózíne ınvestıtsıya tartylyp jatyr. Būl turaly ekonomıst Lyazzat Janmoldaeva Aqshamnews.kz tílshísíne egjeı-tegjeı túsíndíríp berdí. Onyń sózínshe, ekonomıkanyń tūraqty damuy daıyn óním óndírísín arttyryp, teńgeníń tūraqtylyǵyna, jańa jūmys ornynyń ashyluyna jáne ımportqa táueldílíktíń azayuyna ákeledí.
"Qazír ekonomıkany ártaraptandyru úshín naqty jūmystar júrgízílíp jatyr. Būl tek sóz júzínde emes, kóp salada baıqalady. Syrttan tartylǵan ınvestıtsıya auyl sharuashylyǵyn damytuǵa baǵyttalǵan. Būdan bólek, elímízge kelíp jatqan álemdík deńgeıdegí ánshíler men mádenı ís-sharalar da turıster aǵynyn arttyryp, qosymsha tabys kózíne aınalyp otyr", – deıdí ol.
Sarapshynyń aıtuynsha, byltyrǵy qorytyndy boıynsha Qazaqstanda JÍÓ adam basyna shaqqanda 13 250 AQSh dollarynan asqan. Būl – ekonomıkanyń qūldyrap emes, ósíp jatqanynyń aıǵaǵy.
"Būǵan deıín elímízdíń tabysy syrttaǵy mūnaı baǵasyna táueldí boldy. Endí bíz daıyn ónímnen paıda tabuǵa kóshíp kelemíz. Agroónerkásíp keshenín damytu arqyly íshkí sūranysty qamtyp qana qoımaı, eksportqa da jūmys ísteıtín bolamyz. Daıyn óním óndírísí - teńge tūraqtylyǵy, jańa jūmys oryndary men ımportqa táueldílíktí azaıtudyń joly. Būl – ūzaqmerzímdí ekonomıkalyq tūraqtylyqqa bastar baǵyt", – dedí sarapshy.
Ol shaǵyn jáne orta bıznestí damytuda da úlken áleuet bar ekenín atap óttí.
"Eger būl salada jemqorlyqqa jol berílmese, naqty nátıje beredí. Halyqtyń qarjy sauatyn arttyru, tabys tabuǵa jaǵdaı jasau - tūrmys sapasyn jaqsartudyń negízí", – deıdí Lyazzat Janmoldaeva.
Investıtsıya qaıda baǵyttalyp jatyr?
Sarapshynyń aıtuynsha, būryn ınvestıtsıyalar negízínen jerasty baılyqtaryn ıgeruge baǵyttalsa, qazír olar auyl sharuashylyǵy, qaıta óńdeu ónerkásíbí, jıhaz óndírísí, típtí jel energetıkasy sıyaqty salalarǵa tartylyp jatyr.
"Investorlar ekonomıkasy men íshkí sayasaty tūraqsyz elderge qarajat salǵysy kelmeıdí. Al Qazaqstanda sayası jáne ekonomıkalyq tūraqtylyq bar. Sondyqtan bízge ınvestıtsıya tartuǵa múmkíndík te, áleuet te jetedí", – dep túıíndedí sarapshy.
Resmı derekter ne deıdí?
Ūlttyq statıstıka byurosynyń aldyn ala derekteríne sáıkes, 2025 jylǵy qańtar–mamyr aılarynda Qazaqstannyń jalpy íshkí ónímí byltyr osy kezeńímen salystyrǵanda 6 paıyzǵa ósken. Būl ósímge ónerkásíp, qūrylys, sauda, kólík jáne baılanys salalaryndaǵy belsendílík túrtkí bolǵan.