«Birgemiz: Taza Alem» jalpyulttyq jobasyn iske asyrý sheńberinde «Taza Qazaqstan» respýblıkalyq ekologıalyq aksıasy aıasynda «Avtokóliksiz kún» chellendji uıymdastyrylady, dep habarlaıdy almaty-akshamy.kz.
Joba jeke kóliksiz júrip, aýanyń lastanýyn, ýly gazdardyń bólinýin azaıtýǵa sep bolady.
22 shildede kez kelgen adam chellendjge qosyla alady. Ol úshin qatysýshylar kúni boıy kólikten bas tartýy kerek. Uıymdastyrýshylar qoǵamdyq kólikpen, velosıpedpen, skýtermen nemese jaıaý júrýge keńes beredi.
Qatysýshylar #Avtokóliksizkún chellendj heshtegterin qoldana otyryp, áleýmettik jelilerde kóliksiz qozǵalystarynyń fotosýretterin nemese beınelerin bólisýi jáne @birgemiz_taza_alem2022 uıymdastyrýshylar paraqshasyn belgileý qajet.