Ekologıa jáne tabıǵı resýrstar mınıstrligi «ArselorMıttal» kompanıasynyń qyzmetine tekseristi bastaıdy.
Búginde onymen aınalysatyn kompanıa tańdalyp jatyr. Bul týraly atalǵan vedomstvonyń basshysy Zúlfıa Súleımenova málim etti, dep habarlaıdy Almaty-akshamy.kz QazAqparatqa silteme jasap.
«Tekserýdi júzege asyratyn kompanıany tańdaımyz. Bizge birneshe usynys kelip tústi, olardy muqıat qarastyramyz. Óıtkeni, tekseris sapaly júrgizilýi kerek. Osy aptada kompanıany tańdap, sodan soń «ArselorMıttal» qyzmetin tekserýge qatysty materıaldardy ázirlep jiberemiz. Tekseris quny kompanıanyń baǵa usynysyna qaraı anyqtalady. Ázirge búdjet jaǵy naqtylanǵan joq. Soma tekseristi júrgizetin kompanıa ótkizetin is-sharaǵa baılanysty belgilenedi», - dedi Zúlfıa Súleımenova Úkimet otyrysynan keıin BAQ ókilderiniń saýalyna jaýap bere turyp.