Ol qaladaǵy aýrýhanalardyń birine jetkizildi.
Almatyda kólik urlaǵan er adam polıseıler ustaǵan kezde ózin pyshaqtap tastady, dep habarlaıdy Almaty-akshamy.kz.
Áleýmettik jelide er adam qansyrap jerde jatqan vıdeo tarady. Ony polısıa qyzmetkerleri ustaǵan. Al taǵy bir vıdeoda er adam es-tússiz jatyr.
Almaty polısıasy ókilderiniń sózinshe, er adam onyń Daewoo markaly kóligin bireý aıdap áketkeni týraly habar bergen. Habarlasqan adamnyń sózinshe, ol kúdiktini ańdyp, artynan júrgen.
Er adamǵa kómekke polıseıler kelgen. Kúdikti qashyp bara jatyp, ózin pyshaqtaǵan. Ol medısınalyq kómek kórsetilýi úshin qaladaǵy aýrýhanalardyń birine jetkizildi.
«İstiń mán-jaıyn anyqtaý barysynda er adam ózgeniń kóligin "Aqsaı" shaǵynaýdanynda urlaǵany belgili boldy. Sol jerde jol apatyna da túsken. Kólik ıesi jaıaý júrip, kúdiktini qýyp jetpek bolǵan. Bul derek boıynsha qylmystyq is qozǵaldy», - dedi Áýezov aýdandyq polısıa basqarmasynyń basshysy Ulan Ábilqaıyr.