Aǵymdaǵy jyly Almatyda ótinish berýshilerdiń 95% -yn ońaltý quraldarymen qamtamasyz etý josparlanýda, dep habarlaıdy almaty-akshamy.kz
Bul týraly Almaty ákiminiń orynbasary Ásem Núsipova qala basshysy Erbolat Dosaevtyń tóraǵalyǵymen ótken Almatynyń ınklúzıvti ortany damytý jónindegi Keńesiniń I-shi otyrysynda habarlady.
«Bıylǵy jyly biz erekshe qajettilikteri bar adamdardy ońaltý quraldarymen qamtamasyz etý boıynsha kelip túsken barlyq ótinishterdiń 95% -yn qamtýdy josparlap otyrmyz. Osy maqsatqa bıyl 1,3 mlrd teńge bólindi, nátıjesinde ońaltýdyń ınovasıalyq tehnıkalyq quraldarymen keminde 400 adam qamtamasyz etiledi», – dedi Ásem Núsipova.
2023 jyly Almaty ákimdigi erekshe qajettilikteri bar 433 adamdy 1 390 mln. teńge somasyna ınovasıalyq tehnıkalyq quraldarmen qamtamasyz etti. Olardyń ishinde: 150 protez, 200 otyratyn arba, 76 sóıleý prosesory jáne 7 súıek ótkizgishtigi bar estý apparaty.