Germanıa fýtbol qaýymdastyǵy (DFB) Katarda ótip jatqan álem chempıonatynyń erejelerin saqtamaǵan.
2022 jylǵy álem chempıonatynyń toptyq kezeńiniń ekinshi týryndaǵy Ispanıa – Germanıa machy aldynda resmı baspasóz máslıhatyna Germanıa quramasynyń bas bapkeri Hansı Flık jalǵyz kelgen, dep habarlaıdy Almaty-akshamy.kz Egemen.kz-ke silteme jasap.
Reglament boıynsha onymen birge bir fýtbolshy kelýi kerek edi. Germanıa quramasynyń bazasy mach aldyndaǵy baspasóz máslıhaty ótken Dohadan 100 shaqyrym jerde ornalasqan. Sondyqtan mańyzdy oıyn qarsańynda Flık oıynshylardyń eshqaısysyn alańdatqysy kelmegen.
Nátıjesinde FIFA Germanıa fýtbol federasıasyna on myń shveısarıalyq frank (shamamen 10,1 myń eýro) aıyppul saldy, sonymen qatar eskertý jasady.
Álem chempıonatynyń toptyq kezeńiniń sońǵy týrynda Germanıa quramasy 1 jeltoqsan kúni Kosta-Rıka quramasymen oınaıdy.