Elektr energıasy úshin shyǵyndardy óteý máselesi pysyqtalýda
Ekibastuz turǵyndaryna jylýmen jabdyqtaý salasyndaǵy qyzmetter úshin qaıta esepteý júrgiziledi, dep habarlaıdy Almaty-akshamy.kz QazAqparatqa silteme jasap.
«Kompanıa jylýmen jabdyqtaý salasyndaǵy qyzmetter úshin tolyǵymen qaıta esepteý júrgizedi, barlyq turǵyndarǵa ótemaqy tólenedi», - dedi Pavlodar oblysy ákiminiń mindetin atqarýshy Ábilqaıyr Sqaqov Ekibastuzda ótken baspasóz máslıhatynda.
Sondaı-aq onyń aıtýynsha, elektr energıasy úshin shyǵyndardy óteý máselesi pysyqtalýda. Shyǵyndardy jabýdy «Ortalyq Azıa elektr energetıkalyq korporasıasyna» (OAEK) júkteý josparlanǵan.
«Normatıvterge sáıkes, qala turǵyndary ádette shamamen 32 MVt elektr energıasyn tutynady, jylytqyshtar taratylǵannan keıin ol 50-52 MVt-qa deıin ósti. Biz KEGOC-tan derekterdi kórip otyrmyz, eger tuıyqtalý nemese basqa da problemalar týyndasa, brıgadalardy jiberemiz», - dep tolyqtyrdy Á. Sqaqov.
Buǵan deıin Ekibastuzdaǵy tótenshe jaǵdaıdy joıýǵa jumyldyrylǵan mamandar marapattalatyny habarlanǵan edi.