Bul SİM-niń málimdemesi.
Úkimet otyrysynda SİM-niń resmı ókili Aıbek Smadıarov eki qazaqstandyqtyń shetelde quldyqqa túskenin aıtty, dep habarlaıdy Almaty-akshamy.kz
Onyń aıtýynsha, Qazaqstannyń eki azamaty Ońtústik-SHyǵys Azıanyń «altyn úshburyshy» dep atalatyn aımaqta eńbek quldyǵyna túsken.
«Ótken jyldyń jeltoqsan aıynyń sońynda olar Taılandtaǵy elshiligimizben baılanysqa shyqty. Olardyń ata-analary da taýyp berýimizdi ótindi. Ne aıta alamyz? Bul birinshi ret emes. Dál osyndaı jaǵdaı osydan birneshe aı buryn taǵy bir azamatymyzdyń basyna túsken», - dedi ol.
Smadıarovtyń aıtýynsha, azamatymyzdyń quldyqtan bosaýyna búkil el kómektesken.
«Qazir jaǵdaı ońaı emes, oǵan memlekettik organdardyń ǵana emes, úkimettik emes uıymdardyń da kómegi qajet, bul birinshi jaǵdaı emes. Onda tek Qazaqstan azamattary ǵana emes. Basqa da ártúrli elderdiń azamattary bar. Sondyqtan másele keshendi sheshimdi qajet etedi. Soǵan qaramastan, bul jaǵdaı Taılandtaǵy elshiligimizdiń erekshe baqylaýynda. Konsýl olarmen sóılesti. Sol jaqtaǵy azamattar bıyl habarlaspasa da, másele oń sheshimin tabady dep senemiz», - dedi SİM ókili.
Sóz sońynda ol qazaqstandyqtarǵa shetelge jumys isteýge barar aldynda kelisimshart talaptarymen tanysýǵa keńes berdi.
«Men azamattarymyzǵa eskertkim keledi: shetelge jumys isteýge barar aldynda barlyq kelisimsharttardy muqıat oqyp shyǵyńyz. Óıtkeni bul - sizdiń jeke jaýapkershiligińiz», - deıdi Aıbek Smadıarov.
2022 jyldyń 26 tamyzynda Laosta eńbek quldyǵyna túsken qazaqstandyq Ánel Bermaǵanbetova elge oraldy. Qyzdy Qytaıdan Laosqa aldap shaqyrǵan. Áneldiń otbasy polısıaǵa, Vetnam, Taıland elshilikterine jáne Laos Syrtqy ister mınıstrligine habarlasýǵa májbúr boldy. Qylmystyq is qozǵaldy.