Soltústikte, kerisinshe, aıazdyń beti qaıta bastaıdy.
Sınoptıkter 12-14 qańtarǵa arnalǵan aýa raıy boljamyn usyndy, dep habarlaıdy Almaty-akshamy.kz
«Qazgıdromet» RMK taratqan aqparatqa súıensek, ońtústikte aıaz kúsheıip, soltústikte, kerisinshe, aıazdyń beti qaıta bastaıdy.
«Sýyq arktıkalyq antısıklon traektorıasyn respýblıkanyń shyǵys, ońtústik óńirlerine baǵyttaıdy, sol sebepten jaýyn-shashynsyz aıazdy aýa raıy boljanady, tek respýblıkanyń soltústik jartysynda atmosferalyq frontaldy bólimderdiń ótýimen qar, jaıaý burqasyn kútiledi», - dep málimdedi «Qazgıdromet» RMK.
Sınoptıkterdiń boljamynsha, respýblıkanyń soltústik-batysynda, ońtústik-shyǵysynda tuman túsedi.
Aýa temperatýrasy elimizdiń batysynda túnde 15-30 aıazdan 7-20 aıazǵa deıin, soltústik-batysta 20-28 aıazdan 13-22 aıazǵa deıin, respýblıkanyń soltústiginde 20-35 aıazdan 13-26 aıazǵa deıin, ortalyqta 30-41 aıazdan 17-25 aıazǵa deıin, shyǵysta 32-43 aıazdan 20-30 aıazǵa deıin tómendeıdi:
«Ońtústikte temperatýranyń negizgi fony 22-31 aıaz, ońtústik-shyǵysynda 20-33 aıazdan 23-36 aıazǵa deıin tómendeıdi», - delingen «Qazgıdromet» RMK taratqan aqparatta.