27 jastaǵy K. esimdi áıel ýaqytsha ustaý ızolátoryna qamaldy.
Almatyda esirtki saýdasymen aınalysqan kúdikti áıel ustaldy, dep habarlaıdy Almaty-akshamy.kz Polisia.kz-ke silteme jasap.
27 jastaǵy áıel adamdarmen aldyn ala sóz baılasý arqyly elektrondyq aqparattyq resýrstardy qoldanyp, esirtki zattaryn ótkizgeni úshin ustaldy.
«Aýdanymyzdyń aýmaǵynda 27 jastaǵy K. esimdi azamatsha ustaldy. Jeke tintý kezinde odan erekshe ıisti aq tústi untaq zaty bar 9 býma tabyldy jáne tárkilendi. Qylmystyq is QR QK-niń 297-baby 3-bóliginiń 1,5-tarmaǵy boıynsha tirkeldi. Saraptama qorytyndysy boıynsha, bul – psıhotroptyq zat. Qazirgi ýaqytta qajetti tergeý amaldary júrgizilip jatyr. Onyń qorytyndysy boıynsha prosesýaldyq sheshim qabyldanatyn bolady», – dedi Áýezov aýdandyq polısıa basqarmasynyń bastyǵy Ulan Ábilqaıyr.