Buryn baldyrǵanǵa qyzylsha dıagnozy qoıylǵan eken.
Almaty qalasynyń №2 balalar klınıkalyq aýrýhanasyna ýlaný sımptomdary bar eki jasar bala jetkizildi, dep habarlaıdy Almaty-akshamy.kz
Hırýrgıa bóliminiń meńgerýshisi Marat Kaptaǵaevtyń aıtýynsha, aýrýdy dıagnostıkalaý óte qıyn bolǵan. Sebebi, klınıkalyq kórinister, naqty derekter aıqyn bolmaǵan. Odan ári emdeý taktıkasyn dárigerler konsılıýmy qarastyryp, dıagnostıkalyq laparoskopıa jasaý týraly sheshim qabyldandy.
«Dıagnostıkalyq laparoskopıa kezinde ish qýysynda úlken mólsherde ót tabyldy. Holesıstıt. Ót perıtonıti. Ót jolynyń perforasıasy shamamen 0,5 sm. Bul perforasıanyń paıda bolýynyń naqty sebepteri belgisiz boldy. Kóp jaǵdaıda ishki aǵzalardyń perforasıasy olarda tastardyń nemese parazıtterdiń bolýyna baılanysty bolady. Jelsheshekpen aýyrǵanda ishektiń perforasıasy bolǵan jaǵdaılar oryn alǵan, biraq ol jaǵdaıda ishekte de, syrtqy teride de bórtpeler bolatyn. Munda ish qýysynda bórtpeler bolǵan joq. Eshqandaı sebepsiz týyndaǵan perforasıa jáne ót jolynyń perforasıasy degen hırýrg retinde kóp jyldyq tájirıbemde birinshi ret bolyp tur. Qolda bar medısınalyq ádebı málimetterge sáıkes mundaı aqparatty eshkim bermegen. Bul óte sırek kezdesetin patologıa», – deıdi hırýrg.
Sábıdiń ómirin saqtaý qalý úshin tájirıbeli hırýrgtar ót qabyn laparoskopıalyq jolmen alyp tastady. Bul durys tańdaý, basqa nusqa bolmady. Tesikti (perforasıany) tigý múmkin emes, stenozǵa jáne basqa asqynýlarǵa ákeledi.
Dáriger Kaptaǵaev otanyń kúrdeli, tehnıkalyq qıyndyqtarmen ótkenin atap ótti. Sebebi, ota ústelinde shynashaqtaı balanyń jatqanyn eskersek, ota órisi de tym kishkentaı bolǵan. Jalpy ót joly men qaptyq ót joly arasyndaǵy qashyqtyq óte az, áreń baılanǵan. Ota eki saǵatqa sozyldy.
«Otadan keıingi kezeń birqalypty ótti. Barlyq sımptomdar joıyldy. Balanyń anasy óte rıza boldy. Otadan keıin 10-shy kúni bizdiń kishkentaı naýqas úıine jiberildi. Gıppokrattyń mynandaı sózderi bar: «Men barlyq túıini sheshtim, tek ólim túıinin sheshe almadym». Bizdiń jaǵdaıda biz ólim túıinin sheshe aldyq, balanyń ómirin saqtap qaldyq jáne biz óte qýanyshtymyz!», – deıdi Marat Kaptaǵaev.