Almatyda ústel tenısinen qyzdar arasynda Qazaqstan chempıonaty bastaldy, dep habarlaıdy almaty-akshamy.kz 24.kz-ke silteme jasap.
Baıraqty básekede Astana, Almaty, Shymkent qalasynan jáne 17 oblystan iriktelgen sportshylar baq synap jatyr. 6 kún boıy ótetin saıysta tenısshiler komandalyq, juptyq jáne jekeleı synda jarysady. Munda jas shekteýi joq. 11 qańtarda komandalyq esep boıynsha úzdikter anyqtalady. Al juptyq nemese jekeleı jarystyń jeńimpazdary 15 qańtar kúni marapattalady. Chempıonatta top jarǵan úzdik sportshylar ulttyq qurama sapyna ótedi. Osylaısha, 16 aqpanda Ońtústik Koreıanyń Pýsan qalasynda ótetin álem chempıonatynda el namysyn qorǵaıdy.
Aleksandr Perevalov, halyqaralyq dárejedegi tóreshi: - Qazir munda oblystyq, qalalyq jarystyń jeńimpazdary óner kórsetip jatyr. Ulttyq quramaǵa irikteý 4 jyl saıyn ótip turady. Bul sportqa degen jastardyń qyzyǵýshylyǵy jyl saıyn artyp keledi. Óıtkeni ústel tenısi – qyzyq ári barlyq adamǵa qoljetimdi sport túri.