Daıyn qujatty ótinimde kórsetilgen Halyqqa qyzmet kórsetý ortalyǵynan alý qajet.
Endi qazaqstandyqtar eGov.kz – elektrondy úkimet portalynda týý týraly kýálikke, aty-jónin ózgertýge, neke qıý jáne ajyrasý, bala asyrap alý jáne qaıtys bolý týraly aktilik jazbalarǵa ózderi ózgeris engize alady, dep habarlaıdy Almaty-akshamy.kz "Ulttyq aqparattyq tehnologıalar" AQ qoǵammen baılanys basqarmasyna silteme jasap.
Jańa qyzmet jetkilikti negiz bolǵan jaǵdaıda jáne múddeli tulǵalar arasynda daý bolmaǵan kezde qujattarǵa josparly ózgerister engizýdi (qate engizilmegen ózgerister) kózdeıdi. Mysaly, atyn, tegin, jáne ákesiniń atyn ózgertý
"Azamattyq hal aktileri jazbalaryna ózgerister, tolyqtyrýlar men túzetýler engizý" jańa qyzmetiniń kómegimen aktilik jazbalarǵa ózgerister engizý jáne qujattardy qaıta shyǵarý úshin negizdemelerdi kórsetip, rastaıtyn qujattardy qosyp, ótinim berýge bolady.
"Biraz qazaqstandyq eGov.kz portalynda aktilik jazbalarǵa óz betinshe ózgeris engizýge bolatynyn bile bermeıdi. Munda siz týý týraly, neke qıý týraly jáne nekeni buzý týraly kýálikter sekildi qujattarǵa ózgerister engize otyryp, olardy qaıta shyǵarýǵa ótinish beresiz. Máselen, eger buryn adamnyń tegin ózgertý úshin HQKO-ǵa barý qajet bolsa, qazir ony elektrondy túrde jasaýǵa bolady jáne ol úshin kezekte turýdyń qajeti joq",- dep málimdedi "Ulttyq aqparattyq tehnologıalar" AQ basqarma Tóraǵasy Rostıslav Konáshkın.
Qandaı jaǵdaıda qujattarǵa ózgeris engizýge bolady:
tegin jáne atyn, ákesiniń atyn ózgertkende;
áke bolý týraly sot sheshiminiń kúshi joıylǵanda;
nekede turmaǵan ananyń týý týraly aktilerdi tirkeý kitabyna balanyń ákesi týraly málimetter engizý jónindegi ótinishi túsken jaǵdaıda;
eger azamattyq hal aktisin tirkeý kezinde qate (burmalaý, málimetterdi nemese jekelegen sózderdi tastap ketý) jiberilse;
azamattyq hal aktileri jazbalaryndaǵy qateler sot tártibimen anyqtalǵanda;
nekeni buzýǵa nemese nekeni jaramsyz dep tanýǵa baılanysty eriniń (zaıybynyń) tegi ózgertilgende;
ul (qyz) asyrap alýdyń kúshin joıý nemese onyń kúshi joq dep taný, sondaı-aq nekeniń kúshi joq dep taný týraly sot sheshimine baılanysty;
ulty ózgergen jaǵdaıda;
ata-ananyń arasyndaǵy nekeniń toqtatylýyna nemese nekeniń jaramsyz tanylýyna baılanysty kámeletke tolmaǵan balanyń tegin ózgertkende jáne taǵy basqa.
Atalmysh qyzmetti elektrondyq úkimet portalynyń "Azamattarǵa" - "Otbasy" bóliminen tabýǵa bolady.
Qujattarǵa ózgeris engizýge ótinish berý úshin ne isteý kerek:
eGov.kz portalynda avtorızasıadan ótý;
qyzmettin túrin tańdaý;
kýálik beretin HQKO fılıalyn tańdaý;
otbasy jaǵdaıy men tabys kózin kórsetý;
aktilik jazbanyń nómiri men tirkelgen kúnin kórsetý, oǵan ózgerister engizý;
akt jazbasy úshin qandaı ózgerister, túzetýler, tolyqtyrýlar qajettigin kórsetý;
ózgerister engizý úshin rastaıtyn qujatty tirkeý;
tólem jasaý;
ótinishke qol qoıý.
Qyzmet nátıjesi eGov.kz portalynyń mártebe paraǵynda jáne jeke kabınetinde habarlama túrinde paıda bolady.