Osylaısha, qaýipsizdiktiń joǵary deńgeıi qamtamasyz etiledi
14 naýryzdan bastap eGov.kz portalynyń paıdalanýshylary úshin logın/paról jáne bir rettik SMS arqyly kirý jeke-jeke qoljetimsiz bolady, dep habarlaıdy Almaty-akshamy.kz.
Telegram-kanal eGov málimetinshe, endi eGov.kz portalyndaǵy derekter eki faktorly aýtentıfıkasıamen qorǵalady.
eGov.kz portalyna kirý úshin paıdalanýshylar:
• logın / JSN engizý;
• qupıasózdi engizý;
• mobıldi azamattar bazasynda tirkelgen telefon nómirine jiberiletin bir rettik SMS-kodty engizý arqyly kirýdi rastaý qajet.
Osylaısha, qaýipsizdiktiń joǵary deńgeıi qamtamasyz etiledi.
«Elektrondyq-sıfrlyq qoltańba (ESQ), bıometrıa jáne eGov mobile mobıldik qosymshasynyń kómegimen QR-kodty skanerleý arqyly kirý aýtentıfıkasıa ádisteri ózgerissiz qalady», - delingen eGov habarlamasynda.
2FA nemese eki faktorly aýtentıfıkasıa – bul paıdalanýshyny ıdentıfıkasıalaý ádisi. Bul ádis arqyly siz ózińizdiń akkaýntyńyzdyń ıesi ekenińizdi eki túrli jolmen rastaýyńyz kerek. Onyń kómegimen sizdiń derekterińizge úshinshi tulǵalarǵa qol jetkizý áldeqaıda qıyn.
«Portaldyń qyzmetterin paıdalaný úshin Azamattardyń mobıldi bazasynda tirkelgen belsendi telefon nómiri bolýy kerek. Nómirińiz buǵattalǵan nemese tirkelmegen jaǵdaıda 1414 nómiri boıynsha call-ortalyqqa habarlasyńyz nemese eGov.kz jeke kabınetindegi nómirdi aýystyryńyz», - delingen habarlamada.