12 naýryzda Novosıbırskige qatynaıtyn reıs toqtatylǵan bolatyn
Kompanıanyń baspasóz qyzmeti Reseıge josparlanǵan barlyq reıster 2022 jyldyń 13 naýryzynan bastap qaıta qalpyna keltiriletinin, bıletterdi brondaý qoljetimdi ekenin málimdedi, dep habarlaıdy Almaty-akshamy.kz Zakon.kz-ke silteme jasap.
«2022 jyly 12 naýryzda Novosıbırskige qatynaıtyn reıstiń toqtatylýyna baılanysty týyndaǵan ýaqytsha qolaısyzdyqtar úshin keshirim suraımyz. Qazaq Air áýekompanıasy qazaqstandyq jáne halyqaralyq standarttarǵa sáıkes ushý qaýipsizdigin qamtamasyz etý boıynsha barlyq talaptardy saqtaıdy»,-delingen Qazaq Air áýekompanıasy taratqan málimette.
Bir kún buryn QAZAQ AIR saqtandyrý uıymynan Reseı aýmaǵynda jáne onyń áýe keńistigine qatysty saqtandyrý tólemin usynbaıtyny týraly habarlama aldy. Osyǵan baılanysty avıakompanıa 12 naýryzda Novosıbırskige qatynaıtyn reıs toqtatylǵanyn habarlaǵan.
Bıletterdiń aqysyn qaıtaryp alý úshin jolaýshylarǵa satyp alý ornyna habarlasýǵa keńes berildi.