Qazaqstandyqtar eGov mobile qosymshasy arqyly áskerı qyzmet týraly derekterdi ala alady jáne jibere alady.
Bul «Sıfrlyq málimetter» servısiniń jańartylýy arqasynda múmkin boldy, dep habarlaıdy aqshamnews.kz.
Endi paıdalanýshylar ózderiniń áskerı qyzmetke shaqyrylý mártebesi men áskerı qyzmetke shaqyrý týraly aqparatty smartfonynan tikeleı qarap, bólise alady. Jańa fýnksıalar derekterge qoljetimdilikti odan ári yńǵaıly jáne jeńil etedi.
Qosymshanyń jańartylǵan nusqasynda eki jańa sıfrlyq málimetter qoljetimdi:
1. Áskerı qyzmetke shaqyrý týraly aqparat – azamattyń shaqyrý mártebesi, sondaı-aq shaqyrý merzimi týraly tolyq derekter;
2. Áskerı qyzmetke qatysýǵa qatysty málimetter – azamattyń áskerı mindettilik mártebesi týraly ózekti aqparat.
«Azamat óz málimetterin JSN, kompanıanyń BSN-i nemese mobıldi azamattar bazasyna tirkelgen telefon nómiri arqyly óz betinshe jibere alady. Sonymen qatar, derekterdi jumys berýshiniń tikeleı suraý salýy boıynsha da jiberýge bolady – ol úshin jumys berýshi JSN nemese telefon nómiri arqyly suraý salý jiberedi. Sodan keıin paıdalanýshy habarlama alady jáne suraý salýdy rastaıdy nemese ony keri qaıtarady. Derekterdi eGov mobile qosymshasyna tikeleı silteme arqyly messendjerler nemese poshta arqyly jiberýge bolatynyn atap ótemiz», - delingen habarlamada.
Servısti paıdalaný úshin:
- eGov mobile qosymshasynda avtorızasıalanyp, «Málimetter» bólimine ótý;
- «Tarıh» bóliminde málimetterge qoljetimdilik berýge kelgen suraý salýlardy qarap shyǵý;
- málimetterdi berýge ruqsat berý nemese suraý salýdy qabyldamaý;
- qajet bolǵan jaǵdaıda, buryn berilgen málimetterdi «Qaıtaryp alý» batyrmasyn basý arqyly qaıtaryp alý qajet.
Budan basqa, paıdalanýshylar málimetterge suraý salýlar tarıhyn tekserip, qajet bolǵan jaǵdaıda buryn berilgen málimetterge qoljetimdilikti basqarýǵa, olardy qaıtaryp alýǵa múmkindigi bar.