Qorǵanys mınıstrliginiń mekemesinde Úndistannyń Qazaqstan Respýblıkasyndaǵy áskerı attashesi polkovnık Pankadj Kýmar Vıdárthı bastaǵan sheteldik delegasıa ortalyqtyń qyzmetimen tanysty.
Brıfıńte ortalyq ókilderi úndilik áriptesterine bitimgerlik kontıngentin daıyndaýdaǵy zamanaýı tásilder týraly aıtyp, shet tilderin oqytý tájirıbesin bólisti, dep habarlaıdy aqshamnews.kz Qorǵanys mınıstrligine silteme jasap.
Talqylaý barysynda Birikken Ulttar Uıymynyń beıbitshilikti qoldaý jónindegi mısıalary sheńberinde elderdiń ózara is-qımyly men tájirıbe almasý máselelerine erekshe nazar aýdaryldy.
Josparǵa sáıkes úndi áskerleri Qurlyq áskerleriniń áskerı ınstıtýtyna jáne Radıoelektronıka jáne baılanys áskerı ınjenerlik ınstıtýtyna barady.