EGov mobile mobıldi qosymshasy qazaqstandyqtarǵa ártúrli ómirlik jaǵdaılarǵa baılanysty jeke push habarlamalaryn jiberedi.
Jańartýlar qazaqstandyqtarǵa aldaǵy mańyzdy kúnder týraly eske salýǵa múmkindik beredi: zeınetke shyǵý, JOO-ǵa túsý jáne bitirý, balany mektepke qabyldaý, E-lısenzıalaý portalynyń ótinimderin maquldaý jáne kompanıa basshysynyń aýysýy týraly habarlamalar.
«Biz azamattarǵa qyzmet kórsetý jumystaryn belsendi túrde jalǵastyryp jatyrmyz, biz ártúrli ómirlik jaǵdaılarǵa arnalǵan taǵy jeti push habarlamany iske qostyq. Bul memlekettik mekemelerge barmaı-aq adamdardy mańyzdy kúnder týraly aldyn ala habardar etýge jáne «kórinbeıtin» qyzmetter kórsetýge kómektesedi. Osylaısha, biz qazaqstandyqtardy aldaǵy kúnder týraly aldyn ala bilip, eskertemiz. Ýaqyt óte kele mundaı qyzmetterdiń sany artady, bulaı biz kóptegen memlekettik qyzmetterdi alý prosesin jeńildete alamyz», - dep atap ótti «Ulttyq aqparattyq tehnologıalar» AQ Basqarma Tóraǵasy Rostıslav Konáshkın.
Jiberilgen push habarlandyrýlaryn mobıldi qoldanbanyń «Habarlandyrýlar» bóliminde kórýge bolady. Mobıldi qosymsha ornatylmaǵan jaǵdaıda portaldyń jeke kabınetinde eGov.kz uıaly nómir kórsetilgen bolsa, paıdalanýshyǵa qosymshany júkteýge silteme jasaı otyryp, 1414-ten jańa habarlamanyń kelip túskeni týraly aqparaty bar SMS jiberiledi.
Aıta keteıik, bul jańartýlar Memleket basshysynyń Invisible Government tujyrymdamasy aıasynda júzege asyryldy. Iaǵnı, memleket qazaqstandyqtarǵa qajetti memlekettik qyzmetterdi usynady jáne olardy ómirlik sıkldiń barlyq kezeńderinde súıemeldeıtin bolady.