eGov Mobile qosymshasynda shetelde alynǵan joǵary jáne joǵary oqý ornynan keıingi bilim týraly dıplomdardy taný qyzmeti qoljetimdi boldy, dep habarlaıdy aqshamnews.kz
Qyzmet sheteldik joǵary oqý oryndarynyń túlekterine Qazaqstanda jumysqa ornalasý nemese oqýyn jalǵastyrý úshin dıplomyn resmı túrde rastaýǵa múmkindik beredi.
"Buryn dıplomdy taný rásimi jeke ótinish berýdi jáne qaǵaz qujattardy jınaýdy talap etse, endi búkil proses onlaın formatta qoljetimdi. Bul ótinishti qaraý merzimin edáýir qysqartyp, qyzmetti paıdalanýshylar úshin yńǵaıly etedi", - delingen habarlamada.
Qyzmetti paıdalaný úshin:
eGov Mobile qosymshasynda avtorızasıadan ótý qajet;
"Qyzmetter" – "Bilim" bóliminde "Joǵary jáne joǵary oqý ornynan keıingi bilim týraly qujattardy taný" qyzmetin tańdaý;
ótinishti toltyryp, qajetti qujattardy tirkep jáne tólem jasaý qajet;
ótinishti qol qoıýdyń qoljetimdi ádisteriniń birimen rastaý.
Ótinish zańnamada belgilengen merzimde qaralady. Nátıjesinde, paıdalanýshy dıplomdy taný týraly elektrondyq qujatty alady nemese zańda kózdelgen negizder boıynsha dáleldi jaýap beriledi.
"Jańartylǵan qyzmet QR Sıfrlyq damý, ınovasıalar jáne aeroǵarysh ónerkásibi mınıstrliginiń Memlekettik kórsetiletin qyzmetter komıteti, "Ulttyq aqparattyq tehnologıalar" AQ jáne QR Ǵylym jáne joǵary bilim mınıstrligimen birlesip júzege asyryldy".