Eger avtokólik 20 jyldan astam ýaqyt paıdalanylyp kelse, salyqtyń jartysyn tóleıdi.
Endi 20 jyldan artyq paıdalanylǵan kólikterge salyq azaıady.
Qarjy vıse-mınıstri Erjan Birjanovtyń sózinshe, jańa Salyq kodeksinde eski kólikterge salyq mólsherin azaıtý týraly norma bar, dep habarlaıdy aqshamnews.kz
– Árıne, jobada usynylǵan osy norma saqtaldy. Eger avtokólik 20 jyldan astam ýaqyt paıdalanylyp kelse, salyqtyń jartysyn tóleıdi. Al 10 jyldan asqan avtokólikterge salyq 30 paıyzǵa azaıady, – dep naqtylady Erjan Birjanov.
Qarjy vıse-mınıstri qazirgi ýaqytta eldi mekender men shalǵaı aýyldarda eski kólikterdiń kóp ekenin jasyrmady.
– Osy turǵyndardyń salyq júktemesin jeńildetý úshin mundaı normalardy engizip otyrmyz. Bul norma qozǵaltqysh kólemi úlken nemese shaǵyn kólikterdiń barlyǵyna qatysty. Jol talǵamaıtyn (joǵary salyq tóleıtin) kólikter de qamtylady, ıaǵnı 20 jyldan assa, 50 paıyzyn tóleıdi, – dep qosa ketti vıse-mınıstr.