«Aýyl» partıasy Batys Qazaqstan oblysynda – áıgili «Edilbaı» qoı tuqymynyń otanynda – «Auyl Fest. Qoı sharýashylyǵy» atty alǵashqy halyqaralyq festıváldi uıymdastyrdy.
Bul biregeı shara dástúr men jańashyldyqty ushtastyryp, qoı sharýashylyǵy salasynyń Germanıa, Fransıa, Iran, Qytaı, Reseı, Túrkıa elderinen kelgen úzdik ókilderin bir arnaǵa toǵystyrdy, dep habarlaıdy aqshamnews.kz.
Jobanyń maqsaty:
- Ulttyq dástúrlerdi jańǵyrtý arqyly patrıotızmdi nyǵaıtý;
- Qoı sharýashylyǵyn tanymal etý arqyly aýyl halqynyń jumyspen qamtylýyn jáne tabys deńgeıin arttyrý;
- Óńirdiń agroónerkásiptik keshenine ınvestısıa tartý;
- Halyqaralyq tájirıbe men ozyq tehnologıalardy engizý arqyly fermerlerdi qoldaý;
- Aýyl týrızmin damytý.
Festıvál tek jarqyn etnomádenı oqıǵa ǵana emes, sonymen birge ınvestısıa tartýǵa jáne qoı sharýashylyǵyn Qazaqstannyń agroónerkásiptik kesheniniń mańyzdy baǵyttarynyń biri retinde ilgeriletýge tıimdi alań boldy.