2024–2025 oqý jylynda pedagogterdi atestattaý prosesi alǵash ret «Ustaz» ulttyq platformasy arqyly tolyqtaı sıfrlyq formatta júrgizilýde.
Platformada muǵalimge qatysty málimetter birneshe memlekettik derekqordan avtomatty túrde alynady, dep habarlaıdy aqshamnews.kz.
Qyzmet orny, eńbek ótili, bilim deńgeıi men jetistikteri bir júıege jınaqtalǵan. Sıfrlyq format qaǵazbastylyqty joıyp, atestattaýdyń ádil ári ashyq ótýine múmkindik berdi.
Ustazdyń pedagogıkalyq sheberligi týraly derekterdi qadaǵalaýshy mamandar baqylaý paraqtaryn tolyryp, ony pedagogtiń jeke profıline júkteıdi. Ár maman sabaq qorytyndysyn elektrondyq sıfrlyq qoltańba arqyly rastap, pedagog eńbegine ádil baǵa beredi. Al bilim sapasy, kásibı jetistikter men belsendilik boıynsha derekter ázirge arnaıy modýl arqyly qolmen engizilýde.
Búginde platformada mektepke deıingi, jalpy orta, arnaıy, qosymsha, tehnıkalyq jáne kásiptik bilim berý uıymdarynan 635 myńnan astam pedagog tirkelgen. Olardyń ishinde 94 myńnan astamy «Pedagog-moderator» jáne «Pedagog-sarapshy» sanattary boıynsha júıe arqyly attestasıadan ótýde.
Búginde 66 myńǵa (71%) jýyq muǵalimniń attestasıa qorytyndysy shyqty. Aldaǵy ýaqytta ózge de biliktilik sanattary qamtylyp, sıfrlyq platforma aıasy kezeń-kezeńimen keńeıtiledi